मालदा: लोक सेवा आयोगको परीक्षामा मोबाइल फोन लिएर परीक्षा केन्द्रमा प्रवेश गरेको आरोपमा मालदाको इङ्गलिस बजार पुलिस चौकीले ६ जनालाई पक्राउ गरेको छ। लोक सेवा आयोगको क्लर्कशिप परीक्षा दुई दिनसम्म चल्ने भएको छ।  पक्राउ पर्नेमा देवाशिष प्रामाणिक, विशाल मण्डल, समृद्ध दास, अब्दुल तोसिन हुसेन, सेताबर शेख र मोहम्मद अमिरुल रहेको पुलिस स्रोतले जनाएको छ। पक्राउ पर्नेहरु माणिकचक, हबिबपुर, अङ्ग्रेजीबजार र मोथाबादीका बासिन्दा हुन्। पक्राउ परेकाहरूलाई मालदाको जहुरतला हाई स्कूल र विभूति भूषण हाई स्कूलबाट पक्राउ गरिएको समाचार छ।