सिलगढी: यात्रुहरूले भरिएको एक निजी बस दुर्घटनामा परी धेरै घाइते भएका छन्। सिलगढी-जलपाईगढी राष्ट्रिय राजमार्गको फाटापुकुरमा बिहीबार बिहान दुर्घटना भएको समाचार छ। घाइतेहरुलाई उपचारका लागि अस्पताल पठाइएको छ। स्थानीय स्रोतका अनुसार निजी बस यात्रु लिएर सिलगढीबाट काल्चिनी जाँदै थियो फाटापुकुर ट्राफिक जंक्शनमा सिग्नल दिन एउटा ट्रेलर रोकियो। त्यसपछि यात्रुले भरिएको बसले टेलरलाई पछाडिबाट धक्का दियो। बसको अगाडिको भागमा क्षति पुगेको छ। दुर्घटनामा चालकसहित २३ यात्रु घाइते भएका छन्। घटनास्थलमा ट्राफिक ओसी बप्पा साह, डीएसपी ट्राफिक अरिन्दम पाल चौधरी र राजगञ्जका विधायक खगेश्वर राय पुगे। घाइतेहरूलाई उद्धार गरी उपचारका लागि राजगञ्ज ग्रामीण अस्पताल र उत्तर बंगाल मेडिकल कलेज अस्पतालमा पठाइएको छ। राजगञ्ज पुलिस चौकीले दुर्घटनाको अनुसन्धान शुरु गरेको छ।