गान्तोक: मुख्यमन्त्री प्रेमसिंह तामाङले बाल दिवसको अवसरमा आयोजित कार्यक्रममा उपस्थित रहेर ह्वाइट हल परिसरमा रहेको पण्डित जवाहारलाल नेहरुको प्रतिमामा श्रद्धाञ्जली अर्पण गरे। मुख्यमन्त्रीले आफ्नो आधिकारिक फेसबुक पेजमार्फत युवा दिमागलाई माया, हेरचाह र शिक्षाको साथ पालनपोषण गर्ने जवाहारलाल नेहरूको दृष्टिकोणबारे प्रकाश पारे। उनले प्रत्येक बच्चालाई उनीहरूको पूर्ण क्षमतामा पुग्नको लागि सुरक्षित र सहयोगी वातावरण उपलब्ध गराउनु पर्ने आवश्यकतामा जोड दिए। कार्यक्रममा सामेल
बालबालिकालाई शुभकामना व्यक्त गर्दै उनले सबै बालबालिकाका लागि गुणस्तरीय शिक्षा, स्वास्थ्य सेवा र स्रोतहरूमा पहुँच सुनिश्चित गर्न सरकारको प्रतिबद्धता पनि जाहेर गरे। यस अवसरमा मन्त्रीहरू सोनाम लामा, राजु बस्नेत, भोजराज राई, विधायक तेन्जिङ लाम्ठा लगायत विभिन्न विद्यालयका विद्यार्थीहरुको उपस्थिति रहेको थियो।