जलपाईगढी: चाडपर्वको मौसममा जलपाईगढी मेडिकल कलेज सुपर स्पेशलिटी अस्पताल परिसरमा फोहोरको पहाड जम्मा भएको छ। यसबाट स्थानीय बिरामी र टाढा-टाढाबाट आउने बिरामीका परिवारलाई समस्या भइरहेको छ। अर्कोतर्फ, जलपाईगढी मेडिकल कलेजका सुपरिटेन्डेन्ट तथा उपप्राचार्य डा कल्याण खाले नगरपालिकाका अधिकारीहरूलाई यो समस्याबारे जानकारी रहेको बताए। ‘फोहोर सफा गर्ने दायित्व नगरपालिकाको हो। तर सरसफाई नगर्दा फोहोरको ठूलो थुप्रो जम्मा भएको छ’, उनले भने। जलपाईगढी मेडिकल कलेज सुपर स्पेशलिटी अस्पताल परिसरमा थुप्रिएको फोहोरबाट दुर्गन्ध आउन थालेपछि बिरामी तथा उपचारका लागि आउने मानिसहरूलाई समस्या परेको छ।