सिलगढी: सिलगढीको भक्तिनगर थाना अन्तर्गत छोटा फापरी क्षेत्रमा एकजना अज्ञात व्यक्तिको मृतदेह फेला परेको छ।यस घटनाले क्षेत्रभरि सनसनी मच्चिएको छ। स्थानीय मानिसहरूले बताए अनुसार, आज बिहान मर्निङ वकको क्रममा चारजना युवा एउटा स्कूटीमा आएका थिए। उनीहरू घण्टौंसम्म छोटा फापरी क्षेत्रमा घुमेपछि एउटा सुनसान ठाउँमा अज्ञात व्यक्तिको लाश लाई फ्याँकी राखेर चम्पट कसेका छन्।
उक्त घटनाको खबर पाउन साथ भक्तिनगर थानाको पुलिस घटनास्थलमा पुगेर लाशलाई उद्धार गरेर उत्तर बंग मेडिकल कलेज एवं अस्पतालमा पोस्टमार्टमको लागि पठाइदिएको छ। स्थानीय मानिसहरूको बयानको आधारमा पुलिसले सीसीटीभी फुटेजको जाँच गर्दै स्कूटीमा सवार युवाहरूको खोजी थालेको छ। पुलिस सूत्र अनुसार, मृतकको शरीरमा धेरै ठाउँमा चोटको चिन्ह देखिएका छन्, जसलाई ध्यानमा राख्दै पुलिसले हत्याको मुद्दा दर्ता गरेको छ।यसै क्रममा, सिलगढी मेट्रोपलिटन पुलिसका डीसीपी र एसीपीले घटनास्थलको निरीक्षण गरेका छन् र मृतकको पोस्टमार्टमको लागि भिडियोग्राफी गर्ने आदेश दिएको छ। पुलिसले सम्पूर्ण क्षेत्रका सीसीटीभी फुटेजको पनि जाँच गरिरहेको छ। यसको साथै पुलिसले घटनाको जाँच गरिरहेको छ।