गेजिङ: जिल्लामा कृषि विभागले खाद्य तेल बीउहरूको उत्पादन बढाउन र एकीकृत कीट व्यवस्थापन प्रविधि प्रवर्द्धन गर्न एक दिवसीय प्रशिक्षण कार्यक्रम आयोजना गर्यो। बर्मेक सार्वजनिक भवनमा यो कार्यक्रम राष्ट्रिय खाद्य तेल बीउ २०२४ को मिशन अन्तर्गत सम्पन्न भएको थियो। कार्यक्रममा प्रमुख अतिथिको रूपमा बर्मेक बर्थाङ ग्राम पन्चायत एकाइका पञ्चायत अध्यक्ष गणेश पी शर्मा रहेका थिए। कार्यक्रमको औपचारिक उद्घाटनपछि, बागवानी विभागका उपनिर्देशक डा. हेमन्त घिमिरे, कृषि उपनिर्देशक सुरज क्षेत्री, ब्लक टेक्नोलोजी प्रबन्धक विवेक शर्मा र कृषि विस्तार अधिकारी (एईओ) जीवन कृष्ण शर्मा लगायतका विशिष्ट व्यक्तिहरूले प्रविधिक सत्रहरूमा सहभागीहरूलाई मार्गदर्शन गरे। प्राविधिक सत्रमा जैविक खेती र यसको सम्भावनाहरू, बजार व्यवस्थापन र जैविक प्रमाणीकरण प्रक्रिया बारेमा गहन छलफल गरियो। डा. हेमन्त घेमरेले विशेष रूपमा कम लागतमा पोली टनेल निर्माण, संरक्षित खेतीका लागि बालीको उपयुक्तता र एकीकृत कीट व्यवस्थापन, रोग व्यवस्थापन तथा पोषण व्यवस्थापन जस्ता विषयहरूमा बहुमूल्य जानकारी दिए।कार्यक्रममा सुरज क्षेत्रीले अर्गानिक खेतीका चुनौतीहरू र अवसरहरूको बारेमा विस्तृत जानकारी प्रदान गर्दै, किसानहरूको लागि विभागीय योजनाहरू र खाद्य तेल उत्पादनमा सुधारका उपायहरू प्रस्तुत गरे।