थिम्पु: गत संस्करणको विजेता भारत साफ अण्डर-१७ फूटबल च्याम्पियनशीपको ग्रुप ए-मा शुक्रवार यहाँ बंग्लादेशविरुद्ध म्याचको साथ आफ्नो अभियान शुरु गर्न तयार छ। ग्रुप ए-मा मालद्वीप तेस्रो टीम हो। यस प्रतिद्वन्द्वीविरुद्ध भारतको २४ सेप्टेम्बरमा म्याच रहेको छ। ग्रुप बी-मा आयोजक भूटान, नेपाल, श्रीलंका र पाकिस्तान रहेको छ। प्रत्येक ग्रुपको शीर्ष दुईवटा टीमले सेमिफाइनलमा स्थान बनाउनेछ। दुईवटा सेमिफाइनल २८ सेप्टेम्बर अनि फाइनल ३० सेप्टेम्बरमा खेलिनेछ। भारत २०२२-को च्याम्पियन हो जब गतपल्ट यो टुर्नामेण्ट पहिलोपल्ट अण्डर-१७ आयु वर्गमा खेलिएको थियो। गत सालको चरण अण्डर-१६ आयु वर्गमा गराइएको थियो अनि भारतले नै ट्रफी जितेको थियो। भारतका मुख्य प्रशिक्षक इश्फाक अहमदले यसै चांगलिमिथांग स्टेडियममा खिताब जित्ने टीमका २३-मा १६ जना खेलाड़ीलाई वर्तमान टीममा कायम राखेका छन्। प्रशिक्षक अहमदले भने, हामीलाई बंग्लादेशविरुद्ध चुनौतीपूर्ण म्याचको आशा रहेको छ । म हाम्रो खेलाड़ीहरूका परीक्षा होस् भन्ने चाहन्छु। यसबाहेक बंग्लादेशको टीमसँग खेल्नु सजिलो नहुने कुरा पनि हामीलाई थाहा छ। यहाँ हामी सकारात्मक रहेर असल फूटबल खेल्न आएका छौं अनि यस्तो गर्न सके परिणाम निश्चित रूपले हाम्रो पक्षमा रहनेछ।