दुधे: राई गाउँ फूटबल क्लब (आरजीएफसी)-को तत्त्वावधानमा आयोजित इण्डिपेण्डेन्स डे नक्आउट फूटबल टुर्नामेण्टमा सेण्ट्रल बस्तीले एकतर्फी जीतको साथ प्री-क्वार्टर फाइनलमा स्थान बनायो। दुधे फूटबल मैदानमा शुक्रवार भएको म्याचमा सेण्ट्रल बस्तीले नेपालको टीम बाहुनडांगीलाई ४-०-ले पिट्यो। विजेता टीमबाट नाइदु लिम्बुले ह्याट्रिक गरे। उनले ३०औं, ३२औं र ५६औं मिनटमा गोल गरे। अन्य एउटा गोलल तोपेस लिम्बुले ५९औं मिनटमा गरे। म्याचमा रेफरीको भूमिका मनदीप रिजालले निर्वाह गरेका थिए। यसरी सहायक रेफरीको भूमिकामा प्रवीण प्रधान र सजन राई थिए जबकि कुणाल छेत्री फोर्थ अफिसियल रहेका थिए। अब शनिवार खेलिने म्याचमा चेंगा फूटबल क्लब र ६१ जीआर आर्मी टीमबीच भिड़न्त हुनेछ। म्याच दिउँसो ३ बजीदेखि शुरु हुनेछ। यस सेभेन ए साइड फूटबल टुर्नामेण्टमा च्याम्पियन हुने टीमलाई आकर्षक ट्रफीको साथमा ५० हजार रुपियाँँको नगद पुरस्कार प्रदान गरिनेछ। यसरी रनरअप हुने टीमलाई आकर्षक ट्रफीको साथमा ३० हजार रुपियाँको नगद पुरस्कार प्रदान गरिनेछ। टुर्नामेण्टको दुईवटा सेमिफाइनल म्याच १० र ११ अगस्तमा हुनेछ। यसरी फाइनल १५ अगस्तमा खेलिनेछ भनी आयोजक समितिको पक्षमा विशाल सुब्बाले जानकारी दिएका छन्।