वेलिंगटन: न्यूजील्याण्डले यस सालको ग्रीष्मकालमा श्रीलंका र पाकिस्तानविरुद्ध सेतो बलको घरेलु सीरीज खेल्ने अनि सालको अन्तमा ईंग्ल्याण्डविरुद्ध पूर्व घोषित आईसीसी वर्ल्ड टेस्ट च्याम्पियनशीप सीरीजको आयोजन गर्ने पुष्टि गरेको छ। आईसीसीद्वारा जारी एउटा विज्ञप्ति अनुसार, न्यूजील्याण्ड क्रिकेटले पुरुष टीमको ग्रीष्मकालीन कार्यक्रम घोषणा गरेको छ। यसमा न्यूजील्याण्डले नोभेम्बरको अन्तदेखि लिएर अप्रेलको शुरुवातसम्म अन्तर्राष्ट्रिय म्याचहरूको सीरीज खेल्नेछ। पहिला ईंग्ल्याण्डविरुद्ध तीनवटा टेस्ट म्याचको सीरीज खेलिनेछ। पहिलो टेस्ट म्याच २८ नोभेम्बरदेखि क्राइस्टचर्चमा शुरु हुनेछ। दोस्रो टेस्ट ६-१० दिसम्बरसम्म वेलिंगटन र तेस्रो टेस्ट १४-१८ दिसम्बरसम्म हेमिल्टनमा खेलिनेछ।
टेस्ट सीरीज समाप्त भएपछि श्रीलंका विरुद्ध तीनवटा म्याचको टी२० सीरीज हुनेछ। पहिलो टी२०आई म्याच २८ दिसम्बरमा खेलिनेछ। न्यूजील्याण्ड र श्रीलंकाबीच तीनवटा टी२० म्याच समाप्त भएपछि त्यति नै म्याचको वनडे सीरीज शुरु हुनेछ। पहिलो वनडे म्याच ५ जनवरीको दिन वेलिंगटनमा खेलिनेछ। श्रीलंका स्वदेश फर्किएपछि न्यूजील्याण्ड घरेलु माटोमा पाकिस्तान विरुद्ध पहिला ५ वटा टी२० म्याचको सीरीजमा हिस्सा लिनेछ। पहिलो टी२० म्याच १६ मार्चमा क्राइस्टचर्चमा खेलिनेछ। पाकिस्तान र न्यूजील्याण्डबीच तीनवटा वनडे म्याचको सीरीज चाहिँ २९ मार्चदेखि शुरु भएर ५ अप्रेलमा समाप्त हुनेछ। न्यूजील्याण्ड पुरुष क्रिकेट टीमको निम्ति सेतो बलको प्रारूपमा व्यस्त कार्यक्रम रहेको छ कारण कीवि टीमले पाकिस्तानमा आईसीसी च्याम्पियन्स ट्रफी अघि दक्षिण अफ्रिका र पाकिस्तानविरुद्ध त्रिकोणीय सीरीजमा हिस्सा लिने पनि पुष्टि गरेको छ।