जलपाईगढी: आज दिउँसो ३ बजेपछि आकाश सफा भएपछि जलपाईगढीको रथयात्रा हेर्न सडकमा भक्तजनहरूको भीड लाग्यो। द्वारकाका भगवान कृष्ण जगन्नाथ देवको रुपमा पुरीमा वास गरेको विश्वास गरिन्छ। पुरीको मुख्य धार्मिक पर्व रथयात्रा हो। आज भगवान जगन्नाथ जलपाईगढीको गौडिय मठबाट सजाइएको रथमा जलपाईगढी शहर परिक्रमा गर्न निस्केका थिए। रथयात्रामा भगवान जगन्नाथ, बलराम र सुभद्रा तीन अलग अलग रथमा बसेर काकीको घरतिर लागे। यो रथयात्रा हेर्न धेरै मानिसहरू  सडकमा निस्किए। रथ अगाडि भक्तजनहरूको भीड थियो। रथ निस्कनुअघि सडक सफा गरिएको थियो। पुलिस सुरक्षाको बीचमा रथको डोरी तान्न मानिसहरुको भीड देखियो। जलपाईगढी शहरका विभिन्न प्रमुख चोकहरू परिक्रमा गर्दै रथयात्रा भगवान जगन्नाथकी मामाको घर योगमाया काली मन्दिर पुग्नेछ, जहाँ उनले सात दिनसम्म विश्राम गर्नेछन्।