सिलगढी: अवैध भूमि घोटाला मामिलामा मुख्यमन्त्रीको आदेशमा तृणमूलको फूलबारी संगठनात्मक ब्लक अध्यक्ष देवाशिष प्रामानिकलाई पक्राउ गरिएको छ। अहिले उनलाई तृणमूलले पार्टीबाट निष्कासन गरेको छ। यसअघि पुलिसले देबाशिषलाई ५ दिनको हिरासतमा लिएको थियो र हिरासतको दिन सकिएलगत्तै पुलिसले उनलाई जलपाईगढी जिल्ला अदालतमा पेश गरेको थियो। पुलिसले फेरि ७ दिन हिरासतमा राख्न निवेदन दिएको छ। यसबाहेक भोरेर आलो क्षेत्रमा उनीविरुद्ध अर्को मुद्दा दर्ता गर्न प्रहरीले अनुमति मागेको छ। आज देबाशिषलाई अदालतमा ल्याइँदा देबाशिषले कुनै पनि विषयमा खास केही भनेनन्। उनको अनुहारमा मुस्कान थियो, जसको रहस्य कसैलाई थाहा छैन।