झापा: खोटाङको रावावेशी गाउँपालिका-६ का ४५ बर्षिय दिल बहादुर राईलाई १ थान भरुवा बन्दुक सहित पुलिसले नियन्त्रणमा लिएको छ। गोप्य सुचनाको आधारमा पुलिस चौकी जाल्पाबाट हिजो दिउँसो खटिएको पुलिस टोलीले राईले गोठमा लुकाई छिपाई राखेको अवस्थामा भरुवा बन्दुक थान १ र बन्दुकमा प्रयोग हुने छर्रा सहित उनलाई नियन्त्रणमा लिएको हो। अवैध भरुवा बन्दुक सहित पक्राउ परेका राईको जिल्ला पुलिस कार्यालय खोटाङबाट थप अनुसन्धान भईरहेको छ।