कोलकाता: बंगला चलचित्रकी अभिनेत्री रितुपर्णा सेनगुप्ता करोडौं रुपियाँको राशन वितरण घोटालामा चलिरहेको अनुसन्धानको सम्बन्धमा बुधबार प्रवर्तन निदेशालय (ईडी) कार्यालयमा अधिकारीहरू सामु उपस्थित भइन्। यो जानकारी दिँदै एक अधिकारीले भने, ‘सेनगुप्तालाई उनको ब्यांक लेनदेनसँग सम्बन्धित केही विशेष कागजातहरू पेश गर्न भनिएको थियोl’ ईडी अधिकारीले पत्रकारलाई भने, ‘हामीसँग अभिनेत्रीका लागि केही प्रश्न छन्। हामी अन्य विवरणहरू विशेष गरी तिनीहरूको ब्यांक  खाताबाट गरिएका लेनदेनको विवरणहरू पनि प्रमाणित गर्नेछौं। हामीलाई यी लेनदेनको स्रोत र गन्तव्यको बारेमा जानकारी चाहिन्छ।’ ईडीले यसअघि अभिनेत्रीलाई सोही मुद्दामा ५ जूनमा अधिकारीहरूसमक्ष उपस्थित हुन भनेको थियो। सेनगुप्ता, जो त्यतिबेला व्यक्तिगत कारणले अमेरिका गएकी थिइन्l उनले ईडीका अधिकारीहरूलाई उनी फर्किएपछि अर्को कुनै मितिमा आफूसमक्ष उपस्थित हुन अनुमति दिन अनुरोध गरेकी थिइन्। रोज भ्याली चिटफण्ड घोटालाको सम्बन्धमा अनुसन्धानको एक भागको रूपमा ईडीले २०१९ मा ऋतुपर्णासँग पनि सोधपुछ गरेको थियो।