आखिर ‘दीप’को धर्म  जल्नु नै त  रहेछ

जल्दा जल्दै मैनबत्ती झैं गल्नु नै त रहेछ

नचलुँ यो स्वार्थी संसारको चालमा भन्यो

तर बाँच्नलाई अरूसित चल्नु नै त रहेछ

बाँचुञ्जेल अनेक दुःख-भुक्त  गऱ्यो गऱ्यो

दिन पुगेपछि जसरी पनि ढल्नु नै त रहेछ

जो जति नजिक र आफन्त नै किन नहोस्

मौका पाएमा सबको काम छल्नु नै त रहेछ

राम्रा कुरा लेखिएका छन् धर्म शास्त्रहरूमा

यथार्थमा भने कमजोरलाई दल्नु नै त रहेछ

केही फाइदा‘नि देखिएन लोभ-लालच गरेर

आखिर त चितामा दन्दनी बल्नु नै त रहेछ