१० अगस्तः पाक्योंग स्पोर्टिंग क्लबको तत्त्वावधानमा हरिमाया शर्माकी स्मृतिमा आयोजित ७६औं इण्डिपेण्डेन्स डे नक्आउट फूटबल टुर्नामेण्टमा बुधवार दुईवटा क्वार्टर फाइनल म्याच खेलियो। स्थानीय पाक्योंग सेण्ट जेभियर्स मैदानमा जारी यस नाइन ए साइड टुर्नामेण्टमा भएको पहिलो म्याचमा जेभीसी सिंगतामले ५८ गोर्खा ट्रेनिंग सेण्टर (जीटीसी), शिलंगलाई ३-१-ले पराजित गऱ्यो। विजेता टीमका नेल्सनलाई प्लेयर अव् द म्याच चयन गरियो। यसरी नै दोस्रो म्याचमा डीईएसए पाक्योंगले झापा एकादशलाई ५-०-ले पराजित गऱ्यो। विजेता टीमका सुशिल राईलाई प्लेयर अव् द म्याच चयन गरियो।

अब १३ अगस्तको दिन खेलिने सेमिफाइनलमा आज जित्ने दुईवटा टीमबीच भिड़न्त हुनेछ। टुर्नामेण्टको फाइनल १५ अगस्तमा हुनेछ। टुर्नामेण्टमा च्याम्पियन हुने टीमलाई ट्रफीको साथमा ३ लाख रुपियाँको नगद पुरस्कार प्रदान गरिनेछ। यसरी नै रनर अप् हुने टीमलाई ट्रफीको साथमा २ लाख रुपियाँको नगद पुरस्कार प्रदान गरिनेछ।