मुम्बई: बलिवुडका महानायक अमिताभ बच्चन ‘कौन बनेगा करोडपति’को नयाँ सिजन लिएर फेरि टिभीमा फर्किएका छन्। ‘केबीसी १४’ को भव्य प्रिमियर ७ अगस्तमा सम्पन्न भयो। केबीसीको पहिलो सिजन २००० मा आएको थियो। त्यसयता २२ वर्ष भइसक्यो। तर बिग बीको स्टाइलले अझै पनि मानिसको हृदयमा राज गरेको छ। एक सिजन बित्छ र मानिसहरू नयाँ सिजनको प्रतीक्षा गर्न थाल्छन्। बिग बीले हरेक सिजनमा मानिसलाई करोडपति बनाउँछन्, तर हरेक दिन यो प्राप्त गर्न सम्भव छैन। तर,  अमिताभ बच्चन आफैं पनि यस शोबाट हरेक दिन करोडपति बन्छन्। पहिलो सिजनमा अमिताभ बच्चनले प्रति एपिसोड करिब २५ लाख रुपियाँ कमाउने गर्थे र आज उनले प्रति एपिसोड करोडौं रुपियाँ कमाउँछन्।

अमिताभ बच्चनले ‘केबीसी’ को दोस्रो सिजन होस्ट गरे र त्यसपछि केही कारणले उनी तेस्रो सिजनमा देखा परेनन्, जसमा उनको ठाउँमा शाहरुख खान थिए। तर शोको चौथो सिजनबाट उनले पुनरागमन गरे र कहिल्यै पछाडि फर्किएनन्। तर, यी तीन सिजनमा अमिताभ बच्चनले कति पारिश्रमिक लिएका छन् भन्ने बारेमा धेरै जानकारी उपलब्ध छैन। यस कार्यक्रमको पहिलो तीन सिजन स्टार प्लसमा प्रशारण भएको थियो भने चौथो सिजनदेखि सोनी इन्टरटेनमेन्ट च्यानलमा लगातार प्रसारण भइरहेको छ। अमिताभ बच्चनले २०११ मा शोको पाँचौं सिजन होस्ट गरेका थिए, जसको लागि उनको शुल्क प्रति एपिसोड करिब १ करोड रुपियाँ थियो। केबीसी’को छैटौं र सातौँ सिजन २०१३ मा टेलिकास्ट गरिएको थियो र भनिन्छ कि उनले यी दुई सिजनको लागि क्रमशः १.५ करोड र १.५-२.० करोड रुपियाँ प्रति एपिसोड लिए। केबीसीको ८औं सिजन २०१४ मा आएको थियो र रिपोर्टका अनुसार यस सिजनको लागि अमिताभ बच्चनको शुल्क प्रति एपिसोड करिब २ करोड थियो।

सन् २०१४ पछि केबीसीले सन् २०१५ र २०१६ मा प्रसारण गरेन। दर्शकले ९औं सिजन कुर्नुपरेको थियो। शोको ९औं सिजन २०१७ मा ९, २०१८ मा १०औं र २०१९ मा ११औं सिजन प्रसारण भएको थियो र यी तीन सिजनको लागि अमिताभ बच्चनको शुल्क प्रति एपिसोड क्रमशः २.६ करोड, ३.०० करोड र ३.५० करोड थियो। कार्यक्रमको १२औं सिजन २०२०-२१ मा टिभीमा र १३औं सिजन २०२१ मा प्रसारण भएको थियो। यी दुवै सिजनका लागि उनको शुल्क प्रति एपिसोड करिब ३.५ करोड रुपियाँ थियो। अब शोको १४औं सिजनको कुरा गरौं। ७ अगस्तदेखि औपचारिक शुरुवात गरेपछि ८ अगस्तदेखि फेरि प्रतियोगीहरु हट सिटमा बसेर करोडपति बन्न बिग बीका प्रश्नहरुको जवाफ दिन थालेका छन्। यस सिजनको उनको शुल्क प्रति एपिसोड ४ देखि ५ करोड रुपियाँ।

(नोट: सबै आँकडा मीडिया रिपोर्ट्स र इन्टरनेटमा उपलब्ध जानकारीको आधारमा लिइएको  हो। यो आँकडा द् रिपब्लिक इण्डियनले गरेको पुष्टि होइन)