सिलगढी: दार्जीलिङसंसदीय सिटका भाजपा उम्मेदवार राजु बिष्टले आफ्नो संसदीय क्षेत्रका विभिन्न मतदान केन्द्रको भ्रमण गरिरहेका छन्। यसै सन्दर्भमा उनले आज महानन्द हाई स्कूलमा पुगेl यस क्रममा उनले पत्रकारसँग कुरा गर्दै भाजपाले चुनावमा गुण्डागर्दी गरेको आरोप लगाए। उनले चोपडामा तृणमूल कांग्रेसका कार्यकर्ताहरू बन्दुक लिएर खुलेआम घुमिरहेको आरोप लगाए। केन्द्रीय बलका जवानहरूलाई पनि तीन ठाउँमा लखेटिएको उनले बताए। उनले भने, ‘धेरै ठाउँमा हाम्रा पोलिङ  एजेन्टलाई बस्न दिइएनl हामी यी स्थानहरूमा पुन: निर्वाचनको माग गर्नेछौं। निर्वाचन आयोगले पुन: मतदानको हाम्रो मागलाई स्वीकार गर्नेछ भन्ने आशा छ।‘ हिजो रातिदेखि नै खरसाङमा मतदातालाई धम्की दिइने र भोट हाल्न नदिने धम्की आएको उनले बताए। उनले भने, ‘तपाईको सुरक्षाको जिम्मा सेनाले लिएको हुनाले कसैले हानी पुर्याउन सक्नेछैन।‘ सुन्दर दार्जीलिङ र सुन्दर सिलगढी निर्माण गर्नका लागि उनले सबै जनतालाई घरबाट बाहिर निस्किएर भोट हाल्न अपिल गरे। उनले बिहान ११ बजेसम्म पश्चिम बंगालमा करिब ३० प्रतिशत मतदान भइसकेको र ८० प्रतिशतभन्दा बढी मतदान हुने अपेक्षा गरिएको बताए।