अलिपुरद्वार: अलिपुरद्वारको नम्बर एक ब्लक अन्तर्गत उत्तरी सोनापुर सहित विभिन्न क्षेत्रमा दुईवटा बाइसनको आक्रमणका कारण बासिन्दा आतंकित छन्। उक्त क्षेत्रमा आज बिहानैदेखि दुई वटा बाइसन घुमिरहेको बताइएको छ। जल्दापाडा जङ्गलबाट दुईवटा बाइसन बाहिर निस्केर क्षेत्रमा प्रवेश गरेका थिए। त्यसपछि गाउँलेहरूले वन विभागलाई यसबारे जानकारी गराएका थिए। सूचना पाएलगत्तै जल्दापाडा र चिलापाटा रेन्जका वनकर्मी घटनास्थल पुगेका थिए। लामो संघर्ष पछि, एक बाइसनलाई निद्राको चक्की लगाएर नियन्त्रण गरियो। वनकर्मीले दोस्रो बाइसनको खोजी गरिरहेका छन्।