नक्सलबारी: केन्द्रीय कृषि तथा जनजाति मामिला मन्त्री अर्जुन मुन्डा दार्जिलिङ लोकसभा निर्वाचन क्षेत्रका भाजपा उम्मेदवार राजु बिष्टको समर्थनमा चिया बगानमा प्रचार गर्दैछन्। यस दिन मन्त्रीले नक्सलबारीको मांझा, मारापुर र बेलगाँची चिया बगानमा चिया मजदुरसँग कुरा गर्दै राजु विष्टको पक्षमा मत मागेका थिए। चिया मजदुरका विभिन्न फाइदा र बेफाइदा सुन्नुका साथै मन्त्रीले बेलगाछी क्षेत्रमा रहेको निर्वाचन कार्यालयको उद्घाटन गरेका थिए। मन्त्री अर्जुन मुण्डाले राजु विष्टले यहाँको समस्या संसदमा उठाएको बताए। चिया मजदुरको समस्यामा प्रदेश सरकारले ध्यान दिनुपर्छ। चिया मजदुरलाई केन्द्र सरकारले ध्यान दिइरहेको छ र भविष्यमा पनि निरन्तरता दिनेछ। केन्द्र सरकारले विभिन्न विकासका काम गरिरहेको छ। त्यसैले जनताले भाजपालाई फेरि विजयी बनाउनेछन्।
About Author
Post Views: 33