नयाँ दिल्ली: दिल्लीका पूर्व पुलिस आयुक्त नीरज कुमारले बताएअनुसार, हितधारकहरूले भारतीय खेलहरूमा भ्रष्टाचार विरुद्ध कानून ल्याउनमा गम्भीरताको स्पष्ट कमी देखाएको छन् अनि यही कारणले गर्दा दागी पूर्व पेस बलर एस श्रीसन्त जस्ता व्यक्ति आईपीएल २०१३-मा उनी विरुद्ध स्पट फिक्सिंगको पोख्त सबूत रहँदा पनि बाँचे। दीर्घ ३३ सालसम्म देशको सेवा गर्ने आईपीएस अधिकारी नीरज दिल्ली पुलिसका प्रभारी थिए जब उनको मार्गदर्शनमा स्पेशल सेलले श्रीसन्त र राजस्थान रोयल्सका उनका दुईजना साथी खेलाड़ी अजीत चन्दीला र अंकित चव्हानलाई स्पट फिक्सिंगको आरोपमा पक्राउ गरेको थियो। त्यसपछि उच्चतम न्यायालयले २०१९-मा पूर्व खेलाड़ी विरुद्ध सबूत रहे पनि उनीहरू विरुद्ध लगाइएको आजीवन प्रतिबन्धको शास्तीमाथि भारतीय क्रिकेट कण्ट्रोल बोर्ड (बीसीसीआई)-लाई पुनर्विचार गर्नु भनेको थियो। अन्तमा शास्तीलाई घटाएर सात सालको निलम्बन गरियो, जुन सेप्टेम्बर २०२०-मा समाप्त भयो।
नीरजले भने, यो मामिला अघि बढ़्न नै सकेन जस्तो लाग्छ। दुर्भागयले भ्रष्टाचार या सामान्य रूपले खेलहरूमा भ्रष्टाचारलाई निर्मूल पार्न (भारतमा) कुनै कानून नै छैन। जिम्बाब्वे जस्तो देशमा पनि स्पष्ट कानून रहेको छ। अष्ट्रेलिया, न्यूजील्याण्डमा यस्तो कानून छ। यूरोपमा छ कारण भ्रष्टाचार क्रिकेटमा मात्र नभएर फूटबल, टेनिस र गोल्फ जस्ता खेलहरूमा पनि हुन्छ। नीरज २०००-मा सीबीआई-को जाँच टीमको हिस्साको रूपमा हेन्सी क्रोन्ये म्याच फिक्सिंग प्रकरणमा पनि सामेल थिए। उनले खेलहरूमा भ्रष्टाचारमाथि मामिला चलाउनमा सबैभन्दा ठूलो वाधा कानूनको अभाव हो।