गान्तोक: आगामी १८ अप्रेलको दिन सम्पन्न हुने सिक्किम विधानसभा र लोकसभा चुनाउ तयारीलाई लिएर गान्तोक जिल्लाका जिल्लापालको कार्यालयमा जनरल पर्यवेक्षकको उपस्थितिमा एक बैठक सम्पन्न भयो। उक्त बैठकमा जनरल पर्यवेक्षक जितेन्द्र कुमार, पुलिस पर्यवेक्षक रञ्जित कुमार मिश्रा, जिल्लापाल तुषार निखारले लगायत. अन्य अधिकारीहरूको पनि उपस्थिति रहेको थियो। बैठकमा विशेष गरेर प्रहरी परिचालनका विषयमा रणनीतिक छलफल भएको थियो। वरिष्ठ पुलिस अधिक्षक कर्मा ग्याछो भोटियाले सहजीकरण केन्द्र र डाक मतदान केन्द्र दुवैमा डाक मतपत्र मतदान प्रक्रियालाई सहज बनाउन पुलिस कर्मचारीको तैनाथीको योजना र तयारी प्रस्तुत गरेका थिए। भोटियाले उल्लेख गरे अनुसार गान्तोक अन्तर्गत १४ वटा महत्वपूर्ण मतदान केन्द्रहरू पर्ने गरेको र यी क्षेत्रहरूमा सक्रिय सुरक्षा उपायहरूको आवश्यकतामाथि जोड दिए।

प्रहरी पर्यवेक्षक रणजित कुमार मिश्रले मतदान केन्द्रको आलोचनात्मक अवस्थालाई ध्यानमा राख्दै सुरक्षा स्रोतलाई सबैभन्दा बढी आवश्यक पर्ने ठाउँमा सुरक्षाको प्राथमिकतामा राखेर प्रहरी परिचालन गर्न सिफारिस गर्नुभयो।