रीडबिनाको हार्मोनियम बजाउँदै गीत गाउँदैछौं हामी
गीत र भजन गाई दिएकोमा दक्षिणा पाउँदैछौं हामी
दुश्मन भनेर चिने तापनि नचिने जस्तो अभिनय गर्दै
निहित स्वार्थमा दुश्मनसित नै मितेरी लाउँदैछौं हामी
पैसा र भौतिक सुखको चाहनाले बुद्धि सखाप पार्यो
त्यसै निम्ति अन्धो झैं ब्ल्याकहोलतिर धाउँदैछौं हामी
सीमित स्वार्थमा आफ्नो सर्वस्व बेचेर रमायौं हिज र
आज नानावली आशिष लिएर मुख बाउँदैछौं हामी
मलामी गइसक्यो जातीय अस्मिता र स्वाभिमानको
तर मस्त भई दिवालीमा झैं उफ्रिंदै रमाउँदैछौं हामीll
About Author
Post Views: 42