कोलकाताः सोमवारदेखि शुरू भइरहेको पश्चिम बंगाल विधानसभाको बजेट सत्र कोकोहोलोपूर्ण हुने सङ्केत देखिएको छ, किनभने विपक्षी भाजपाले विभिन्न केन्द्रिय प्रायोजित योजनाहरूमा धन उपयोगसित सम्बन्धित उपयोग प्रमाणपत्र राज्य सरकारद्वारा जम्मा नगरिएको सीएजीको निष्कर्षमाथि राज्य सरकार अनि तृणमूल कंग्रेसलाई लक्ष्य बनाउने तयारी गरिरहेको छ।

पार्टीको आन्तरिक सूत्रले बतायो, विपक्षका नेता बाहेक बालुरघाटका विधायक अशोक कुमार लाहिड़ीले पनि बसमा मुख्य भूमिका निर्वाह गर्ने आशा छ। लाहिड़ी केन्द्र सरकारका पूर्व मुख्य आर्थिक सल्लाहकार रहिसकेका छन्। राजनीतिक पर्यवेक्षकहरूको मान्यतामा विपक्षका नेताद्वारा प्रहार राजनीतिक हुनेछ भने लाहिड़ीको तर्क आर्थिक अनि सांख्यिकीय कोणमाथि अधिक केन्द्रित हुनेछ। सीएजी रिपोर्टको प्रमुख निष्कर्ष जसलाई भाजपाको विधायी टीमले सोमवारदेखि शुरू भइरहेको बजेट सत्रको कारबाही अवधि उजागार गर्ने योजना बनाइरहेको छ, त्यसमा वर्ष २०११-२०२२-को अवधिमा १.९५ लाख करोड़ रुपियाँको उपयोग प्रमाण पत्र जम्मा नगराएको जस्तो विषय सामेल छ।

भाजपाको आन्तरिक सूत्रले भन्यो, सीएजी रिपोर्टको अन्य निष्कर्ष जस्तै राज्य सरकारद्वारा विभिन्न बेलआउट योजनाहरूलाई प्रायोजित गर्नको लागि अतिरिक्त-बजटीय ऋण लिनु सहित अन्य कुराहरू बहसको मुद्दा हुनेछ। तृणमूल कंग्रेसले भाजपाका प्रश्नहरूमाथि उसको जवाफ के हुनेछ, त्यसको पहिला नै केही विशिष्ट सङ्केत दिसकेको छ। उसले पहिला नै सीएजीका निष्कर्षहरूलाई सुनियोजित बनाइएको तथ्यहीन कागजपत्र बताइसकेको छ जसको उद्देश्य राज्य सरकारविरूद्ध बयान तयार गर्नको लागि विपक्षलाई हतियार दिनु हो। बजेट सत्रमा राज्यको बजेट आगामी ८ फरवरीमा सदनको पटलमा राखिनेछ। त्यसपछि दुई दिनसम्म राज्यको बजेटमाथि चर्चा हुनेछ, यस अवधि सबैभन्दा अधिक कोकोहोलो हुने सङ्केत छ।

-हिस