सिलगढी। भारतीय जनजाति महासंघले गोर्खा जातिका छुटेका ११ जातलाई जनजातिको दर्जा दिनमा केन्द्र सरकारले पक्षपात गरेको आरोप लगाएको छ। बिहीबार सिलगढीमा महासंघले पत्रकार सम्मेलनको आयोजना गरेको थियो। पत्रकार सम्मेलनमा महासंघका सदस्यहरूले केन्द्र सरकारले ११ जातिलाई जनजातिको दर्जा दिने वाचा पूरा नगरेको दाबी गरे। हालै सिक्किमका दुई जनजातिलाई केन्द्र सरकारले भारतमा अवैध अप्रवासीको रूपमा पहिचान गरेको छ। केन्द्र सरकारले चारवटा जनजाति बाहेक बाँकी सात जनजातिको सर्वेक्षणको काम सुरु गरेको छ। ती सात जातलाई मात्रै जनजातिको दर्जा दिन नहुने महासंघको दाबी छ। ११ सबै छुटेका गोर्खा जातिलाई जनजातिको दर्जा दिनुपर्ने यदि त्यसो भएन भने केन्द्रको प्रस्तावलाई स्वीकार नगरिने महासंघका पदाधिकारीहरुले जनाएका छन्।