नयाँ दिल्ली: वित्तमन्त्री निर्मला सीतारमणले बजेटमा आयकरमा कुनै परिवर्तन गरिनन्। उनले सरकारले धेरै पुराना कर मुद्दा फिर्ता लिने बताइन्। १० वर्षमा कर असुली दोब्बर भएको अर्थमन्त्रीले बताइन्। अर्थमन्त्री निर्मला सीतारमणले देशका जनताले भविष्यतर्फ हेरिरहेको बताइन्। उनले भनिन्, ‘उनीहरु आशावादी छन्। हामी प्रधानमन्त्री मोदीको नेतृत्वमा अगाडि बढिरहेका छौं। अर्थतन्त्रमा सकारात्मक परिवर्तन देखिएको छ। सरकारले सबका साथ सबका विकासको लागि काम गरिरहेको छ। हाम्रो सरकारले हरेक घरमा खानेपानी, सबैलाई बिजुली, ग्यास, अर्थ सेवा र ब्यांक खाता खोल्ने काम गरेको छl’ अर्थमन्त्रीले ८० करोड जनतालाई निःशुल्क खाद्यान्न उपलब्ध गराएको बताइन्। उनले भनिन्, ‘आधारभूत आवश्यकता पूरा भएकाले ग्रामीण क्षेत्रका जनताको आम्दानी बढेको छ। भारत सन् २०४७ सम्म विकसित राष्ट्र बन्नेछ। हामी जनतालाई सशक्त बनाउन काम गरिरहेका छौंल’
दुई करोड घर बनाइने: अर्थमन्त्री निर्मला सीतारमणले यो बजेटले नातावाद नभएर प्रतिभा प्रवर्द्धन गर्ने बताइन्। उनले भनिन्, ‘देशले युवा वर्गलाई धेरै विश्वास गरेको छ। खेलकुदमा युवाहरुको सहभागिता रहेको थियो। विगत १० वर्षमा हाम्रो सरकारले धेरै काम गरेको छ। हाम्रो सरकारले महिलाका लागि धेरै काम गरेको छ। तीन तलाक गैरकानूनी साबित भयोl’ अर्थमन्त्री निर्मला सीतारमणले भनिन्, ‘हाम्रो सरकारले जीडीपीमा पनि धेरै काम गरिरहेको छ। हामी समग्र विकासमा केन्द्रित छौं। हाम्रो अर्थतन्त्र धेरै राम्रो भइरहेको छ। जनताको अपेक्षा धेरै बढेको छ। अर्थमन्त्रीले प्रदेशको विकासमा हाम्रो सरकारले पनि सहयोग गर्नेछ। आउँदो पाँच वर्षमा थप दुई करोड घर बनाइनेछ। तीन सय युनिट नि:शुल्क विद्युत उपलब्ध गराउने लक्ष्य राखिएको छl’
रेलवेको लागि घोषणा: रेलवेको लागि घोषणा गर्दा वित्त मन्त्री निर्मला सीतारमणले यात्रुहरूको सुरक्षा, सुविधा र आरामको लागि ४० हजार साधारण रेल बोगीहरूलाई वन्दे भारत मापदण्डमा रूपान्तरण गरिने बताइन्।
आयकर स्ल्याब: केन्द्रीय सरकारले आयकर स्ल्याबमा कुनै परिवर्तन गरेको छैन। अर्थात् विगतमा प्रचलित कर स्ल्याब यथावत रहनेछ। अर्थमन्त्री निर्मला सीतारमणले भारत-मध्य पूर्व-युरोप करिडोर भारत र अन्य देशहरूका लागि पनि परिवर्तनकारी कदम भएको बताइन्। ‘दुग्ध उत्पादकलाई प्रवर्द्धन गरिनेछ। हाम्रो सरकारले नागरिक प्रथम र न्यूनतम सरकार अधिकतम शासन दृष्टिकोणसहित जवाफदेही, जनकेन्द्रित र विश्वासमा आधारित शासन व्यवस्था गरेको छl’ उनले तीन करोड महिलालाई लखपति दिदी बनाउने बताइन्। अहिलेसम्म एक करोड बनिसकेको जानकारी उनले दिइन्।
पर्यटनको चर्चा: अर्थमन्त्री निर्मला सीतारमणले भनिन्, ‘पूर्वाधारको परिव्यय आर्थिक वर्ष २००५ मा ११.११ लाख करोड रुपियाँ बढाइएको छ। आन्तरिक पर्यटनको उत्साहलाई सम्बोधन गर्न, लक्षद्वीपलगायत हाम्रा टापुहरूमा बन्दरगाह जडान, पर्यटन पूर्वाधार र *सुविधाहरूको परियोजनाहरू शुरु गरिनेछl अर्थमन्त्री निर्मला सीतारमणले अझ भनिन्, ‘तीन ठूला आर्थिक रेलवे करिडोरहरू लागू गरिनेछ, ती हुन् ऊर्जा, खनिज र सिमेन्ट करिडोर, पोर्ट कनेक्टिभिटी करिडोर, उच्च ट्राफिक घनत्व करिडोर। मल्टिमोडल कनेक्टिभिटी सक्षम गर्न पीएम गतिशक्ति अन्तर्गत परियोजनाहरू पहिचान गरिएको छl’