खरसाङ: खरसाङको डब्ल्युबीएनभीएफ खेल मैदानमा भईरहेको पहिलो भीमसेन च्यालेञ्च कप फुटबल टुर्नामेन्टको आज सोमबार भएको दुईवटा खेलमा जेआर ३२ र अलि बक्स ७ युनाईटेड खरसाङ बिजय भएको छ। सोमबार पहिलो खेल आकाशवाणी खरसाङ र जेआर ३२ माझ सम्पन्न भएको थियो। यस खेलको पहिलो हाफ गोल शून्यक बराबरीमा समाप्त भएको थियो भने दोस्रो हाफमा जेआर ३२ ले लगातार अन्तरालमा २ गोल गरेका थिए। आकाशवाणी खरसाङले खेलको अन्त्यतिर एक गोल गरेका थिए भने खेलको अन्तिम क्षणमा बल गोल पोष्टमा लागेर फर्केको थियो। यस खेलमा जेआर ३२ लो आकाशवाणीलाई २-१ को अन्तरले पराजित गरेको छ। त्यसरी नै दोस्रो खेल अलि बक्स ७ युनाईटेड खरसाङ र तरूणजाबारी खोप्रेलमाझ सम्पन्न भएको थियो। यस खेलको शुरुमा नै अलि बक्स ७ को खेलाड़ीले गोल गरेर बढ़त बनाएको थियो। अलि बक्स ७ ले जम्मा ६ गोल गर्न सफल भएका थिए भने खोप्रेलका खेलाड़ीहरू केवल एक गोल मात्र गर्न सफल भएका थिए। अन्त्यमा अलि बक्स ७ ले ६-१ को अन्तरले खेल जितेको छ। आजको खेलमा मुख्य अतिथिको रूपमा पूर्व नगरपार्षद मोहन राई उपस्थित थिए भने विशिष्ट अतिथिको रूपमा नेवार विकास बोर्डको चेयरम्यान सुनिल प्रधान उपस्थित रहेका थिए।