अलीगढ़ः भारतीय जनता पार्टी (भाजपा) ले प्रधानमन्त्री नरेन्द्र मोदीको २५ जनवरीमा यहाँ हुन गइऱहेको ऱ्यालीको तयारीहरू शुरू गरेको छ। अयोध्यामा प्रभु श्रीराम मन्दिरमा रामललाको प्राण प्रतिष्ठापछि प्रधानमन्त्री मोदी पश्चिम उत्तर प्रदेशमा यो ऱ्याली गर्नेछन्। यस ऱ्यालीमा अलीगढ़, कासगंज, एटा, हाथरस र मथुरा जिल्लाका कार्यकर्ताहरूलाई बोलाइनेछ। पार्टीका वरिष्ठ नेताहरू आउनु शुरू भएको छ। संगठनको साथ उनीहरूले बैठकहरू शुरू गरेका छन्।

पार्टीका वरिष्ठ नेताहरूमा प्रदेश उपाध्यक्ष सन्तोष सिंह, ब्रज बहादुर, ब्रज क्षेत्रका अध्यक्ष धुरविजय सिंह समेत अन्य नेताहरूले आइतवार ऱ्यालीको निम्ति केही स्थानहरूको भ्रमण गरे। ब्रज क्षेत्र अध्यक्षले सोशल मीडिया साइट एक्समा केही फोटोहरू साझा गर्दै लेखे, २५ जनवरीमा अलीगढ़मा हुने प्रधानमन्त्री नरेन्द्र मोदीको ऱ्यालीको तयारीलाई लिएर सभा स्थलको निरीक्षण गरे। यद्यपि, पार्टी सूत्रहरू अनुसार, ऱ्याली स्थलबारे अहिलेसम्म निर्णय लिइएको छैन।

-हिस