नयाँ दिल्ली: केरलामा मन्कीपक्सको तेस्रो मामला प्रकाशमा आएको छ। यसअघि भेटिएका संक्रमित जस्तै यो व्यक्ति पनि युएईबाट फर्किएका हुन्। ३५ वर्षीय पुरुष यस महिनाको सुरुमा संयुक्त अरब इमिरेट्सबाट केरला आएका थिए। उनको नमूना परीक्षणमा मन्कीपक्स पुष्टि भएको हो। केरलाका स्वास्थ्य मन्त्री वीणा जर्जले मलप्पुरमका बासिन्दा युवा ६ जुलाईमा आफ्नो गृह राज्य फर्केका थिए र तिरुवनन्तपुरमको मन्जेरी मेडिकल कलेजमा उपचार गराइरहेका थिए। जर्जका अनुसार युवकको अवस्था स्थिर रहेको छ। संक्रमितको सम्पर्कमा आएका व्यक्तिलाई नजिकबाट नियालिरहेको उनले बताए। केरलाको वायनाड जिल्लाको मनन्थवाडीमा रहेको दुई पशुपालन केन्द्रहरूमा आज ‘अफ्रिकन स्वाइन फिभर’का केसहरू रिपोर्ट गरिएको छ। उच्च सुरक्षा पशु रोग राष्ट्रिय संस्थान, भोपालमा नमूना परीक्षणपछि जिल्लाका दुई पशुपालन केन्द्रका सुंगुरमा यो रोग पुष्टि भएको अधिकारीहरूले शुक्रबार बताएका छन्।

केरलाको पशुपालन विभागका एक अधिकारीले एउटा केन्द्रमा धेरै सुँगुर मरेकाले नमूना परीक्षणका लागि पठाइएको बताए। उनीहरुमा यो अफ्रिकी ज्वरो पुष्टि भएको छ। दोस्रो केन्द्रमा ३ सय सुँगुर मार्ने निर्देशन दिइएको छ। रोग फैलिन नदिनका लागि पहल भइरहेको विभागले जनाएको छ।