पहाडमा शान्ति हुनुपर्छ तब मात्र विकास हुन्छ: अनित थापा

दार्जिलिङ: दार्जिलिङको चौरस्तामा आजदेखि तेस्रो दार्जिलिङ जिल्ला सृष्टिश्री मेला शुरु भएको छ। उक्त मेला अागामी २५ नोभेम्बरसम्म चल्नेछ भने यो मेला जिल्ला ग्रामीण विकास सेललो आयोजना गरेको हो। गोर्खाल्याण्ड क्षेत्रीय प्रशासन (जीटीए) का प्रमुख कार्यपाल अनित थापा, प्रमुख अतिथिका रूपमा उपस्थित थिए भने डीएम, एसडीओ लगायत अन्य विशिष्ट व्यक्तिहरू र विभिन्न विभागका अधिकारीहरू उपस्थित थिए।
मेलामा दार्जिलिङ नगरपालिका र स्वनिर्भर समूहका पाँचवटा खण्डका विभिन्न स्थानीय उत्पादनका स्टलहरू यहाँ प्रदर्शन गरिएका छन्। कालेबुङबाट पनि सहभागीहरूलाई आमन्त्रित गरिएको छ। स्थानीय उत्पादन भएका विभिन्न क्षेत्रका लाभग्राहीहरूलाई चेक पनि वितरण गरिएको थियो। उक्त मेलामा प्रमुख अतिथिको रूपमा उपस्थित जीटीए चिफ् अनित थापाले भने, “तपाईहरूको ऊर्जा, जोश र जाँगरलाई हेरेर कार्यक्रममा आउन म सधैं तत्पर छु। आन्दोलनका कारण हामीले पहाडमा काम गर्ने संस्कृति गुमायौं। हामी विनाशको राजनीतितर्फ लागेका थियौं जसका कारण हामीले धेरै गुमायौं। हामीले आर्थिक रूपमा धेरै गुमाएका छौं। तर अब म सबैमा उत्साह देख्छु र हराएको संस्कृति फिर्ता गर्दैछु” उनले थपे।

उनले भने, ‘पहाडमा शान्ति हुनुपर्छ तब मात्र विकास हुन्छ ।
“अन्य साप्ताहिक बजारहरू (हाट) जस्तै म स्वनिर्भर समूहहरूका लागि पनि उस्तै हुन अनुरोध गर्दछु” उनले थपे। यस अवसरमा बोल्दै दार्जिलिङ जिल्लाकी जिल्लाधिकारी डा प्रीति गोयलले भनिन् – ‘म सर्वप्रथम जीटीए प्रमुखलाई कार्यक्रमको एक हिस्सा भएकोमा धन्यवाद दिन चाहन्छु। मलाई सधैं दार्जिलिङ भनेको चिया मात्र हो भन्ने लाग्थ्यो तर यहाँ स्थान्तरण भएपछि मलाई थाहा भयो कि त्यहाँ विभिन्न उत्पादनहरू छन्। तपाईंले जसरी काम गरिरहनु भएको छ त्यसरी नै काम गर्नुभयो भने हामीले धेरै लक्ष्यहरू हाँसिल गर्नेछौं”