काेलकाता: लोकसभा चुनाउको निम्ति पश्चिम बंगालमा भाजपाले आफ्नो गतिविधि तीव्र बनाउन थालेको छ। यहॉं यसै वर्ष प्रधानमन्त्री नरेन्द्र मोदी र केन्द्रिय गृह मन्त्री अमित शाह चुनाउ प्रचारमा आउने छन्। यसै क्रममा आगामी २९ नोभेम्बर शाहको बंगाल भ्रमण हुन सक्छने छ।

प्रदेश भाजपाका वरिष्ठ नेताले भने, शुक्रवार प्रदेश भाजपा अध्यक्ष सुकान्त मजूमदार दिल्ली गएका छन् र उनको केन्द्रिय गृहमन्त्रीसॅंग कुराकानी भएको छ। उनले अघि भने, धर्मतल्लाको ब्रिगेड परेड मैदानमा भाजपाको ठूलो जनसभा हुनेछ। २९ नोभेम्बरमा हुने उक्त जनसभामा मुख्य वक्ताको रूपमा केन्द्रिय गृह मन्त्री अमित शाहलाई सम्बोधित गर्न आमन्त्रित गरिएको छ।

प्रारम्भिक रूपमा शाहले अनुमति दिएका छन्। सबै कुरा सही रह्यो भने गृह मन्त्री कोलकाता आउने छन्। उक्त कार्यक्रममा ती व्यक्तिहरूलाई सामेल गरिने छ, जो केन्द्रिय योजनाहरूबाट ममता सरकारका कारण् वंचित छन्। १०० दिनको रोजगार ग्यारन्टीदेखि लिएर केन्द्र सरकारको महत्वकांक्षी स्वास्थ्य बीमा योजना र अन्य केन्द्रिय योजनाहरूको सूचीमा जुन व्यक्तिहरूलाई सामेल गरिएको छ, भाजपाले उनीहरूलाई लिएर जनसभा गर्ने बताइएको छ।

यस अतिरिक्त तृणमूल कांग्रेसले १०० दिनको रोजगार ग्यारन्टी योजनाको फण्ड रिलीज नगरेको विषयलाई लिएर दिल्लीमा केन्द्र विरूद्ध धरना दिएको थियो। यसलाई भाजपाको भाजपाको जवाबी जनसभा पनि मानिॅंदैछ।