गान्तोक: सिक्किम सरकारका पर्यटन तथा नागरिक उड्डयन विभागका अतिरिक्त मुख्य सचिव एमएल श्रीवास्तवलाई आज टाशिलिङ सचिवालयको कन्फरेन्स हलमा आयोजित एक कार्यक्रममा उनको सेवानिवृत्तिमा न्यानो बिदाइ गरियो। कार्यक्रममा जलस्रोत विभागका सचिव थिन्ले सांगदेर्पालाई पनि बिदाइ गरिएको थियो। मुख्य सचिव भीबी पाठकको अध्यक्षतामा आयोजित कार्यक्रममा शिक्षा विभागका एसीएस आर तेलाङ पुलिस महानिदेशक एके सिंह, पर्यटन तथा नागरिक उड्डयन विभागीयसचिव सीएस राव र राज्य सरकारका विभिन्न विभागका सचिवहरू सामेल थिए। प्रधान सचिव सीएस रावले सेवानिवृत्त अधिकारीको कार्यको प्रशंसा गर्दै एमएल श्रीवास्तवको प्रशंसापत्र पढेर सुनाए। एमएल श्रीवास्तवले आफ्नो सम्बोधनमा आफ्नो क्यारियरका केही अनुभवहरु साझा गरे र राज्य सरकारमा आफ्नो योगदानको वर्णन गरे। उनले आफ्नो यात्राबारे संक्षिप्त रूपमा साझा गरे र राज्य सरकारको एक हिस्सा भएकोमा खुशी व्यक्त गरे। उनले आफ्नो करियरमा आफूलाई प्रदान गरिएको सबै सहयोगको लागि धन्यवाद पनि व्यक्त गरे। यस्तै अर्का विदायी सचिव थिन्ले साङ्देर्पाले सरकारमा आफ्नो लामो र स्मरणीय कार्यकालका अनुभवहरू स्मरण गरे। मुख्य सचिव पाठकले सेवानिवृत्त महानुभावहरूको उल्लेखनीय सेवाको लागि प्रशंसा गर्दै राज्यलाई निरन्तर प्रगतिको मार्गमा उचाल्नको लागि उत्कृष्ट प्रयास गरेकोमा सरकारको तर्फबाट कृतज्ञता व्यक्त गरे। उनले सेवानिवृत्त हुने कर्मचारीहरुलाई स्वस्थ जीवनको कामना गर्दै उनीहरुको भविष्यको प्रयास र अवकाशपछिको जीवनको कामना गरे।