कोलकाता: रक्षा मन्त्री राजनाथ सिंहले शुक्रबार कोलकातामा नौसेना अधिकारीहरूलाई सम्बोधन गर्दै राष्ट्रिय गौरवको भावना धेरै बलियो रहेको बताएl उनले भने, ‘राष्ट्रिय गौरवको भावनाले हामीलाई त्याग गर्न प्रेरित गर्छl’ यसअघि रक्षा मन्त्री राजनाथ सिंहले कोलकाताको गार्डेन रीच शिपबिल्डर्स एण्ड इन्जिनियर्स लिमिटेड (जीआरएसई) मा प्रोजेक्ट १७ए फ्रिगेट ‘दुनागिरी’ को उद्घाटन समारोहमा भाग लिएका थिए। रक्षा मन्त्रीले पीएसयु गार्डेन रीच शिपबिल्डर्स र इन्जिनियर्सद्वारा निर्मित पी१७ए युद्धपोत दूनागिरीलाई हुगली नदीमा पठाएका थिए। पी१७ए जहाजहरू निर्देशित मिसाइल फ्रिगेटहरू हुन्। युद्धपोत प्रक्षेपण गर्नुअघि आफ्नो सम्बोधनमा राजनाथ सिंहले भारतीय शिपयार्डले यसरी जहाज सञ्चालन गर्नु देशको आत्मनिर्भरता बढेको प्रतिक भएको बताए।

यसको उद्घाटन समारोहलाई सम्बोधन गर्दै राजनाथ सिंहले यसलाई हनुमान र सञ्जीवनी बुटीसँग जोड्दै भने, ‘यो युद्धपोत हाम्रो लागि ठूलो सम्पत्ति साबित हुनेछ। भगवान लक्ष्मणको लागि संजीवनी बुटी ल्याउन हनुमानले सम्पूर्ण द्रोणागिरी पर्वत ल्याएका थिए। द्रोणागिरी वा दुनागिरी कुनै पनि अवस्थामा आफ्नो काम गर्न सक्षम छl’ यस क्रममा रक्षामन्त्री राजनाथ सिंहले भारत आफ्ना सबै छिमेकी मुलुकसँग मैत्रीपूर्ण सम्बन्ध चाहन्छ, जसका लागि भारतले सधैं प्रयास गरेको बताए । श्रीलंकाको कठिन परिस्थितिबाट सबैलाई थाहा छ। उनले कोभिड–१९ र युक्रेनी द्वन्द्वका कारण भारत पनि प्रभावित भएको र त्यसपछि पनि श्रीलंकालाई सकेसम्म सहयोग गरिरहेको बताए ।