२३ सेप्टेम्बरः भारतीय पुरुष क्रिकेट टीमले खेलको तीनैवटा प्रारूपमा विश्वको नम्बर एक टीम बन्ने विशेष उपलब्धि हासिल गऱ्यो। शुक्रवार मोहालीमा अष्ट्रेलिया विरुद्ध खेलिएको पहिलो वनडे इण्टरनेशनल म्याचमा ५ विकेटले जीत हासिल गर्नको साथै भारत खेलको तीनैवटा प्रारूपमा विश्वको नम्बर एक टीम बन्यो। टेस्ट र टी२० इण्टरनेशनल क्रिकेटमा पहिलादेखि नै नम्बर एक टीम भारतले यसपाली अष्ट्रेलियालाई पराजित गरी पाकिस्तानलाई पछि छोड़ेर वनडे इण्टरनेशनलमा पनि नम्बर एकको कुर्सी हासिल गऱ्यो। भारतसँग अहिले ११६ रेटिंग पोइण्ट्स रहेको छ। यसरी पाकिस्तान अहिले भारतभन्दा १ पोइण्ट पछि रहेको छ। यस सूचीमा अष्ट्रेलिया (१११) तेस्रो, दक्षिण अफ्रिका (१०६) चौथो र ईंग्ल्याण्ड (१०५) पाँचौं स्थानमा रहेको छ। यसरी टेस्ट टीमहरूको सूचीमा भारत ११८ पोइण्ट्सको साथ शीर्ष स्थानमा रहेको छ। भारतको बराबर पोइण्ट्स रहे पनि दशमलव पछिको गणनाको आधारमा अष्ट्रेलिया टेस्ट टीमहरूको सूचीमा दोस्रो स्थानमा रहेको छ। यस सूचीमा ईंग्ल्याण्ड (११५) तेस्रो, दक्षिण अफ्रिका (१०४) चौथो र न्यूजील्याण्ड (१००) पाँचौं स्थानमा रहेको छ। टी२० टीमहरूको सूचीमा भारत २६४ पोइण्ट्स लिएर शीर्ष स्थानमा छ। त्यसपछि ईंग्ल्याण्ड (२६१) दोस्रो, पाकिस्तान (२५४) तेस्रो, न्यूजील्याण्ड (२५४) चौथो र दक्षिण अफ्रिका (२५१) पाँचौं स्थानमा रहेको छ। यसरी भारत एकैसाथ तीनैवटा प्रारूपमा आईसीसी टीम ऱ्यांकिंगको शीर्ष स्थानमा पुग्ने दोस्रो टीम बन्यो। यसअघि दक्षिण अफ्रिकाले विशेष उपलब्धिलाई हासिल गरेको थियो। दक्षिण अफ्रिकी टीम अगस्त २०१२-मा एकसाथ टेस्ट, वनडे र टी२० इण्टरनेशनल क्रिकेटको शीर्ष टीम बनेको थियो। भारत विरुद्ध पहिलो वनडे म्याचमा हारपछि अष्ट्रेलिया विश्वको नम्बर एक टीमको रूपमा वर्ल्ड कप खेल्न नओर्लिने तय भयो। भारत विरुद्ध सीरीजमा रहल दुवै म्याच जिते पनि अष्ट्रेलिया शीर्ष स्थानमा पुग्न सक्नेछैन। यसरी अष्ट्रेलिया विरुद्ध रहल दुवै म्याच हारे भारत चाहिँ झरेर दोस्रो स्थानमा पुग्नेछ अनि पाकिस्तान फेरि विश्वको नम्बर एक वनडे टीम बन्नेछ।