सिलगढी: सिलगढी नजिकैको फुलबारी २ ग्राम पञ्चायतको सिपाहीपाडा क्षेत्रमा आइतबार बिहान एक किशोरको झुण्डिएको अवस्थामा मृतदेह भेटिएको छ। मृतक किशोरको नाम प्रतिक बर्मन (१३) हो। उनी कक्षा ७ का विद्यार्थी थिए। स्थानीय स्रोतका अनुसार प्रतिक आज बिहान उठेर आँगनमा खेलिरहेका थिए। तर एक्कासी केही समयपछि परिवारले उनको मृतदेह घरको मन्दिर नजिकै झुण्डिएको अवस्थामा फेला पारे। खेल्ने क्रममा घाँटीमा कुनै न कुनै रुपमा फाँसी अड्किएको हुनुपर्छ, जसका कारण यस्ता घटना हुन सक्ने जनविश्वास छ। सूचना पाएपछि नयाँ जलपाईगुडी थानाको पुलिस घटनास्थल पुग्यो। पुलिसले लाशलाई आफ्नो नियन्त्रणमा लिएर पोस्टमार्टमका लागि उत्तर बङ्गाल मेडिकल कलेज र अस्पताल पठाएको छ। यसरी किशोरको मृत्युले क्षेत्रमा शोकको माहोल छ, पुलिसले यस विषयमा अनुसन्धान गरिरहेको छ।