२९ जुलाईः च्याँगा बस्ती युथ क्लबको तत्त्वावधानमा आयोजित ७७औं इण्डिपेण्डेन्स कप २०२३ नक् आउट फूटबल टुर्नामेण्टमा मगरटोला युथ क्लबले क्वार्टर फाइनलमा स्थान बनायो। शुक्रवार च्याँगा दुर्गा मन्दिर मैदानमा खेलिएको दोस्रो राउण्डको म्याचमा मगरटोला युथ क्लबले लोहागढ़ फूटबल क्लबलाई २-१-ले पराजित गऱ्यो। विजेता टीमबाट दुवै गोल पीटरले गरे। उनले १५औं र ३२औं मिनटमा गोल गरे। यसरी लोहागढ़ एएफसी-बाट प्रणय राईले २८औं मिनटमा गोल गरे। यस टुर्नामेण्टमा जम्मा ३२ वटा टीमले हिस्सा लिएको छ। आयोजक समितिका कोषाध्यक्ष ग्याल्छेन तामाङले बताएअनुसार, यस सेभेन ए साइड टुर्नामेण्टमा च्याम्पियन हुने टीमलाई ट्रफीको साथमा ४० हजार रुपियाँको नगद पुरस्कार प्रदान गरिनेछ। यसरी नै रनरअप् हुने टीमलाई ट्रफीको साथमा २५ हजार रुपियाँको नगद पुरस्कार प्रदान गरिनेछ।