आइजल: असम राइफल्स, मिजोरम आबकारी र नारकोटिक्स विभागको एक टीमले मिजोरमबाट असम र त्रिपुराका दुई ड्रग्स पेडलरलाई पक्राउ गरेको छ। तस्करहरूबाट १ लाख ८२ हजार ६६० मेथामफेटामाइन गोली जफत गरिएको छ। बजारमा यी नशालु पदार्थहरूको अनुमानित दाम लगभग ५४.७९ करोड़ रुपियाँ बताइएको छ। असम राइफल्सका प्रवक्ताले बिहीबार भने, ‘असम राइफल्स, मिजोरम एक्साइज र नारकोटिक्स विभागको एक टीमले बुधबार मिजोरमको चंफाई जिल्लामा दुई स्थानमा छापा माऱ्यो। टीमले चंफाई जिल्लाको मुवालकावी गाउॅंबाट ९४ हजार ९४० ट्याबलेट जफत गरेको छ। बजारमा यसको दाम लगभग २८.४८२ करोड़ रुपियाँ छ।

यसरी नै टीमले ख्वाङलेङ गाउॅंबाट ८७ हजार ७२० प्रतिबन्धित ट्याबलेट जफत गरेको छ, जसको अनुमानित दाम लगभग २६.३१६ करोड़ रुपियाँ छ। यस अपरेशनमा असम राइफल्सको टीमले असमको हैलाकान्दी जिल्ला निवासी रुस्तम अली र त्रिपुराको रामुटिया निवासी जाण्टू दासलाई पक्राउ गरेको छ। उल्लेखनीय छ, यो वर्ष अहिलेसम्म असम राइफल्सले लगभग ६६६ करोड़ रुपियाँको प्रतिबन्धित ड्रग्स जफत गरिसकेको छ। -हिस