२७ जुलाईः फ्रान्सका स्टार फूटबलर कीलियन एम्बाप्पेले सऊदी अरबको क्लब अल हिलालको तर्फबाट खेल्ने प्रस्तावलाई अस्वीकार गरेका छन्। यूरोपमा पेरिस सेण्ट जर्मेन (पीएसजी) क्लबबाट खेल्ने फूटबलरले अल हिलालका प्रतिनिधिहरूसँग भेट गर्न अस्वीकार गरे। यसले सऊदी क्लबको महत्त्वकांक्षाहरूलाई ठूलो झट्का लाग्यो। अल हिलालले एम्बाप्पे समक्ष रेकर्ड ३०० मिलियन यूरो (लगभग २७२५ करोड़ रुपियाँ)-को प्रस्ताव राखेको थियो। फ्रान्सको दैनिक एल इक्विपको रिपोर्ट अनुसार, फ्रान्सका स्टार फूटबलरले पेरिस आएका अल हिलाल क्लबका प्रतिनिधिहरूसँग कुनै प्रकारको चर्चा गर्नदेखि अस्वीकार गरे। जेनिट सेण्ट पीटर्सबर्गका ब्राजीलियाई खेलाड़ी मेल्कमसँग ट्रान्सफरको औपचारिकतालाई अन्तिम रूप दिन सऊदी क्लबको एउटा प्रतिनिधिमण्डल पेरिस आएको थियो। प्रतिनिधिमण्डल पेरिसमा रहँदा एम्बाप्पे अघि आफ्नो प्रोजेक्ट पनि पेश गर्न चाहन्थ्यो।
रिपोर्ट अनुसार, २४ वर्षीय खेलाड़ीका एजेण्टले सऊदी क्लबका प्रतिनिधिहरूसँग कुनै चर्चा गर्न अस्वीकार गरे। फ्रान्सका कप्तान एम्बाप्पेले कहिले पनि सऊदी अरब जाने विकल्पमाथि विचार गरेनन्। रियाद स्थित अल हिलाललाई पीएसजी-ले एम्बाप्पेसँग बातचीत शुरु गर्ने अनुमति दिएको थियो। एम्बाप्पे सऊदी अरबमा खेल्न नजाने कुरा पीएसजी-लाई पनि थाहा थियो।
उल्लेखनीय छ, एम्बाप्पेले गत महिना उनी जून २०२४ पछि पीएसजीसँग आफ्नो अनुबन्ध अघि बढ़ाउन नचाहने बताएका थिए। उनको यस बयानले क्लबलाई स्तब्ध बनाएको थियो। एम्बाप्पेले २०२२-मा पीएसजीसँग नयाँ अनुबन्ध गरेका थिए। त्यस समय उनले २०२५-सम्म टीममा रहने वाचा गरेका थिए। एम्बाप्पे र पीएसजीबीच भएको अनुबन्ध अनुसार, २०२४-सम्म एम्बाप्पे क्लबका खेलाड़ी रहनेछन्। जून २०२४ पछि उनले आफ्नो अनुबन्धलाई एक सालको निम्ति बढ़ाउन सक्छन्। यसबीच एम्बाप्पेले एक साल अघि नै क्लबलाई पत्र लेखेर उनी जून २०२४ पछि आफ्नो अनुबन्ध अघि बढ़ाउन इच्छुक नरहेको बताएका छन्। एम्बाप्पे अहिले नयाँ क्लबको खोजमा छन्। पेरिस सेण्ट जर्मेनसँग उनको अनुबन्ध आउँदो साल समाप्त हुनेछ तर क्लबले उनलाई नयाँ टीम खोज्ने छूट दिएको छ। क्लबले उनलाई बेच्ने फसेला गरेको छ। उनी अहिले ट्रान्सफर मार्केटमा उपलब्ध छन्।
वास्तवमा पीएसजी कुनै पनि हालतमा एम्बाप्पेलाई फ्री एजेण्टको रूपमा जान दिन चाहँदैन। यसैकारण उनीहरूले एम्बाप्पेको नाम मार्केटमा लगाएको छ। उनीहरू एम्बाप्पेको निम्ति अन्य क्लबहरूको बोलीहरू सुन्न तयार छन्। पीएसजीलाई अहिले ठगिएको अनुभव भइरहेको धेरैको भनाइ रहेको छ। एम्बाप्पेले अगावै रियल म्याड्रिडसँग फ्री ट्रान्सफरको निम्ति सहमति जनाएको क्लबको सोच रहेको छ।