नयाँ दिल्ली: भारतले हंगेरीको राजधानी बुडापेस्टमा भएको ४५औं चेस ओलम्पियाडको पुरुष र महिला ओपन वर्गमा २ वटा स्वर्ण पदक जितेर इतिहास रच्यो। यस टुर्नामेण्टमा यो भारतको पहिलो स्वर्ण पदक हो। भारतीय पुरुष टीममा गुकेश डी, प्रज्ञानन्द आर, अर्जुन एरिगेसी, विदित गुजराती, पेण्टाला हरिकृष्ण र श्रीनाथ नारायणन (कप्तान) सामेल थिए। भारतले दशौं चरणमा मजबूत अमेरिकालाई २.५-१.५-ले पराजित गरी एक चरण बाँकी रहँदै ऐतिहासिक स्वर्ण पदक पक्का गऱ्यो। अर्जुन एरिगेसी र डी गुकेशले आ-आफ्नो खेलमा जीत हासिल गरे। भारत १९ पोइण्ट्सको साथ शीर्ष स्थानमा रह्यो। ग्राण्डमास्टर तथा विश्व च्याम्पियनशीप च्यालेञ्जर डी गुकेशले अमेरिकाका फेबियानो कारुआनालाई अनि अर्जुनले पेरेजलाई पराजित गरे। त्यसपछि भारतीय महिला टीमले पनि स्वर्ण पदक जितेर इतिहास रच्यो। भारतीय महिला टीममा हरिका द्रोणावल्ली, वैशाली रमेशबाबु, दिव्या देशमुख, वन्तिका अग्रवाल र तानिया सचदेव सामेल थिइन् । यसरी अभिजीत कुण्टे कप्तान हुन् । ओपन वर्गमा भारतीय महिला टीमको जीत अमेरिकाद्वारा कजाकिस्तानको हारमाथि निर्भर थियो । आइतवार अमेरिकाले आफ्नो प्रतिद्वन्द्वीलाई १-१ को बराबरीमा रोकेपछि भारतलाई विजेता घोषित गरियो।

यसपाली भारतीय महिलाहरूले अजरबैजानलाई ३.५-०.५ ले पराजित गरी देशलाई स्वर्ण पदक दिलाइन् । भारतीय महिला टीमले यसअघि चेन्नईमा २०२२-मा भएको चरणमा काँस्य पदक जिंतेको थियो।