सिलगढी: सिलगढी पुलिस कमिसरेटअन्तर्गतको माटिगाढा थानाको प्रहरी टोलीले १०५ किलो अवैध पटकासहित दुई जनालाई पक्राउ गरेको छ।
​विशेष सूचनाको आधारमा माटिगाढा थानाका पुलिसले गत ०४.११.२०२६ का दिन थाना क्षेत्रको प्रमोधनगर कलोनी र माटिगाढा बजारमा छापा मारेको थियो। उक्त अभियानका क्रममा माटिगाढाको रामकृष्ण कलोनिका विवेक साह र प्रधाननगरको चम्पसारिका विकास साहलाई पक्राउ गरिएको हो। उनीहरूको साथबाट कुल १०५ किलो पटका बरामद गरिएको छ।
​पुलिसले सोधपुछ गर्दा उनीहरूले पटका राख्न तथा बिक्री गर्न अनुमति दिने कुनै पनि किसिमको वैध लाइसेन्स वा कागजात पेस गर्न सकेनन्।
​बरामद गरिएका पटकाहरू कानुनी प्रक्रिया पूरा गरी जफत गरिएको छ भने माटिगाढा थानामा कानुनका सुसङ्गत दफाअन्तर्गत छुट्टाछुट्टै मुद्दा दर्ता गरिएको छ। यस सम्बन्धमा थप अनुसन्धान भइरहेको पुलिसले जनाएको छ।