अटलाण्टा: ईंग्ल्याण्डले जसोतसो जीत हासिल गरी फिफा वर्ल्ड कप २०२६-को अन्तिम १६ चरणमा प्रवेश गऱ्यो। बुधवार राति खेलिएको म्याचमा अन्तिम समयसम्म पछि रहने ईंग्ल्याण्डले असाधारण पुनरागमन गर्दै लड़ाकू डीआर कंगोलाई २-१-ले पराजित गऱ्यो। ईंग्ल्याण्डलाई जीत दिलाउनमा कप्तान ह्यारी केनको महत्त्वपूर्ण योगदान रह्यो, जसले म्याचमा टीमको निम्ति दुवै गोल गरे। ईंग्ल्याण्डले अब अन्तिम १६-मा सह-आयोजक मेक्सिकोको सामना गर्नेछ। सिएटल स्टेडियममा ४६ प्रतिशत पोजेशनको साथ खेल्ने अफ्रिकी देश डीआर कंगोको शुरुवात असाधारण रह्यो अनि ब्रायन सिपेंगाले सातौं मिनटमै टीमलाई बढ़त दिलाए। यो उनको अन्तर्राष्ट्रिय फूटबलमा पहिलो गोल पनि हो। चान्सेल मबेम्बाको हेडरपछि बक्सको देब्रे तर्फ रहने सिपेंगाले भुईंसुल्के शट् लगाएर ईंग्ल्याण्डका गोलकीपर जोर्डन पिकफोर्डलाई परास्त गरी डीआर कंगोलाई १-०-को बढ़त दिलाए। गोल खाएपछि ईंग्ल्याण्डले लगातार आक्रमण गऱ्यो तर मध्यान्तरसम्म टीमलाई सफलता हासिल भएन। जूड बेलिंघमको २ वटा असाधारण हेडरमा डीआर कंगोका गोलकीपर लियोनल म्पासीले फुर्तिको साथ शेभ गरे। यसरी मार्कस रासफोर्डको प्रयासलाई आरोन भान-बिसाकाले गोललाइनबाट क्लीयर गरे। पहिलो हाफको अन्तिम क्षणमा ह्यारी केनको भलीलाई म्पासीले रोके। यसरी डीआर कंगोका योआने विस्साको प्रयास पनि पोस्टमा लागेर फर्कियो। दोस्रो हाफको खेलमा चाहिँ ईंग्ल्याण्डका मुख्य प्रशिक्षक थोमस टुचेलको बद्लाउको असर खेलमा स्पष्ट देखियो। स्थानापन्न खेलाड़ी एन्थनी गोर्डनको क्रसमा ह्यारी केनले हेडरद्वारा गोल गरी ७५औं मिनटमा ईंग्ल्याण्डलाई १-१-को बराबरीमा पुऱ्याए। त्यसपछि ईंग्ल्याण्डले म्याचलाई नियन्त्रणमा राखेर लगातार दबाउ सृष्टि गऱ्यो। म्याचको ८६औं मिनटमा केनले फेरि आफ्नो क्लास देखाए। उनले असाधारण टर्न लिएर डिफेण्डरलाई परास्त गरी गोलीलाई विपक्षी नेटमा हालेर ईंग्ल्याण्डलाई म्याचको निर्णायक बढ़त दिलाए। अन्तिम मिनटहरूमा डीआर कंगोले म्याचमा फर्किने प्रयास गरे पनि ईंग्ल्याण्डको रक्षापंक्तिले कुनै मौका दिएन अनि टीमले रोमाञ्चक जीत हासिल गऱ्यो। यस जीतको साथ ईंग्ल्याण्डले वर्ल्ड कपमा अफ्रिकी टीमहरूविरुद्ध आफ्नो अजेय रेकर्डलाई पनि कायम राख्यो। यसको साथमा ईंग्ल्याण्डले वर्ल्ड कप इतिहासमा पहिलोपल्ट मध्यान्तरसम्म एक गोलले पछाड़िएपछि कुनै म्याच जित्यो। यसअघि ९ वटा म्याचमा यस्तो रहुँदा ईंग्ल्याण्ड ७ पल्ट हारेको थियो जबकि २ वटा म्याच ड्र रहेको थियो। यसरी डीआर कंगोले आफ्नो पहिलो वर्ल्ड कपमा असाधारण जुझारुपन देखायो तर शुरुवाती बढ़तलाई काममा लगाउन नसक्दा टुर्नामेण्टबाट बिदा लियो।