कुचबिहारः पश्चिम बंगालमा चुनावी हिंसाको जायजा लिन आएको भाजपाको तथ्य खोज समिति शुक्रवार उत्तर बंगालको कूचबिहार पुग्यो। भाजपाले पार्टी सांसद रविशंकर प्रसाद सहित पाँच सदस्यीय समितिको गठन गरेको छ, जसले कुचबिहारको दिनहाटा र राज्यका अन्य हिंसा प्रभावित क्षेत्रहरूको भ्रमण गरिरहेछ। प्रसादले भने, उत्तर बंगाल हिंसाको चपेटमा छ। जोपनि पीड़ित रहेका छन्, हामी उनीहरूका परिवारका सदस्यहरूसित भेट गर्नेछौं।

भाजपा सांसद रविशंकर प्रसाद बुधवार आफ्नो पार्टीद्वारा गठन गरिएको तथ्यान्वेषी टीमको साथ कोलकाता पुगेका थिए। यसपछि बिहीवार उनले राज्यपाल डा. सीवी आनन्द बोससित भेट गरी राज्यभरिमा हिंसासित सम्बन्धित एक रिपोर्ट सुम्पेका थिए। प्रसादले भने, हामी हिंसा प्रभावित क्षेत्रहरूको भ्रमण गर्नेछौं र पीड़ितहरूसित भेट्नेछौं र त्यसपछि हामी पार्टी अध्यक्ष जेपी नड्डालाई आफ्नो रिपोर्ट सुम्पिनेछौं।

मुख्यमन्त्री ममता ब्यानर्जीले बुधवार भनेकी थिइन्, सांसद रविशंकर प्रसाद नेतृत्व तथ्यान्वेषी टीम उकसाउने समिति हो। उनले सोधिन्, जब मणिपुर जलिरहेको थियो र उत्तर प्रदेशमा भिड़न्तको नाममा हजारौंको हत्या गरिएको थियो तब यी टीमहरू र समितिहरू कहाँ थिए ? कुनैपनि टीमले यी स्थानहरूको भ्रमण गरेको छैन तर गत दुई वर्षमा १५४ टीमले बंगालको भ्रमण गरेको छ।

-हिस