न्यू चण्डीगढ़: आईपीएल २०२६-मा मंगलवार पञ्जाब किंग्सको अजेय अभियानमा ब्रेक लाग्यो। टीमले जारी सीजनमा पहिलोपल्ट हारको सामना गर्नु पऱ्यो। आईपीएल २०२६-को ४०औं म्याचमा पञ्जाब किंग्सलाई उनीहरूकै होम ग्राउण्डमा राजस्थान रोयल्सले ६ विकेटले पराजित गऱ्यो। म्याचमा पहिला ब्याटिंग गर्दै पञ्जाबले ४ विकेटमा २२२ रन बनाएको थियो। जवाफमा राजस्थान रोयल्सले ४ बल बाँकी रहँदै ४ विकेटमा २२८ रन बनाएर म्याच जित्यो। यस हाई स्कोरिंग म्याचमा पञ्जाबका ब्याटरहरूले उत्कृष्ट प्रदर्शन गरे पनि बलिंगमा चूकले टीमलाई नोक्सान भयो। पञ्जाब किंग्सका कप्तान श्रेयस अय्यरले म्याचपछि भने, मेरो विचारमा २२२ रन म्याच जित्न असल स्कोर थियो। यस धीमा पीचमा ब्याटरहरूले असाधारण काम गरे। ब्याटिंग असल भए पनि बलिंगमा हामीले आफ्नो योजनाहरूलाई सही तरिकाले काममा लगाउन सकेनौं। हामीले स्लोअर बल, पेस अफ् र यर्कर गर्ने योजना बनाएका थियौं तर महत्त्वपूर्ण क्षणहरूमा हामी पछि रह्यौं। म्याचमा राजस्थानको तर्फबाट डोनोवन परेरा र शुभम दुबेबीच पाँचौं विकेटको निम्ति भएको ७७ रनको अटूट पार्टनरशीप निर्णायक साबित भयो। यसबारे अय्यरले भने, फरेरा र शुभमले बीचका ओभरहरूमा असल पार्टनरशीप गरे। त्यही पार्टनरशीपले म्याच राजस्थानको पक्षमा गयो। पञ्जाबका कप्तानले लगातार म्याच र यात्रामाथि पनि चर्चा गरे। उनले भने, हामीले लगातार म्याच खेल्यौं, यात्रा गऱ्यौं अनि फेरि तुरन्तै म्याच खेल्यौं। शरीर सामान्य थकित थियो तर यो हारको कारण हुन सक्दैन। यसबाहेक म्याचमा हाम्रो निम्ति केही सकारात्मक पक्षहरू पनि रह्यो। पीच स्पिनरहरूका निम्ति असल थियो अनि हरप्रीत बरारले साँच्चै असाधारण बलिंग गरे। उनले मुश्किल परिस्थितिहरूमा असाधारण नियन्त्रण देखाए। यो हाम्रो सीजनको पहिलो हार हो अनि यसबाट शिक्षा प्राप्त भयो। हामीले आफ्नो प्रक्रियामाथि भरोसा राख्नु पर्नेछ अनि हामी पुनरागमन गर्नेछौं।