पेरिस: यूएफा च्याम्पियन्स लीग फूटबल प्रतियोगिताअन्तर्गत मंगलवार अबेर राति खेलिएको सेमिफाइनल चरणको पहिलो लेगको म्याच यादगार रह्यो, जसमा पेरिस सेण्ट जर्मेन (पीएसजी)-ले बायर्न म्यूनिखलाई ५-४-ले पराजित गऱ्यो। म्याचमा अफेन्स इज द बेस्ट डिफेन्स मन्त्रको भरपूर प्रयोग देखियो, जसमा दर्शकहरूले जम्मा ९ गोल देख्न पाए। आधुनिक यूरेपेली फूटबलमा सतर्कता या रक्षात्मक कौशलको छाप देख्न पाइन्छ। ओपन फूटबलको तुलनामा अहिले प्रशिक्षकहरू हिसाब कसेर अघि बढ़न रुचाउँछन् तर पीएसजी र बायर्नबीच म्याचमा त्यसको ठीक उल्टा देख्न पाइयो। गत सीजनको च्याम्पियन फ्रान्सीसी क्लबले आफ्नो होम ग्राउण्डमा शुरुमै गोल खाए पनि असाधारण पुनरागमन गर्दै म्याच जित्यो। म्याचको शुरुदेखि नै दुवै टीमले लगातार आक्रमण गऱ्यो। आक्रमण र प्रतिआक्रमणले माहोल चरम रोमाञ्चक बन्यो। आफ्नो होम ग्राउण्डमा ४६ प्रतिशत पोजेशनको साथ खेल्ने पीएसजी एक समय त ५-२-ले अघि रहेको थियो तर जर्मनीको क्लबले पनि हरेक खाएन अनि रहल समयमा २ गोल गरी दोस्रो लेग अघि हारको अन्तरलाई कम्ती गऱ्यो। म्याचमा बायर्नको शुरुवात असल रह्यो अनि ह्यारी केनले १७औं मिनटमा पेनल्टीबाट गोल गरी टीमलाई बढ़त दिलाए। त्यसपछि खविचा खवारात्सखेलियाले २४औं मिनटमा अनि जोआओ नेवेसले ३३औं मिनटमा गोल गरी पीएसजी-लाई २-१-को बढ़त दिलाए। यसबीच माइकल ओलिसले ४१औं मिनटमा बायर्नलाई फेरि बराबरीमा पुऱ्याए। मध्यान्तरको ठीक अघि स्टपेज टाइममा औस्माने डेम्बेले पेनल्टीबाट गोल गरी होम टीमलाई फेरि ३-२-ले अघि पारे। दोस्रो हाफको खेलमा पीएसजी-ले शुरुमै २ गोल हासिल गर्दा स्कोर ५-२ पुग्यो। यसमा खवारात्सखेलियाले ५६औं र डेम्बेलेले ५८औं मिनटमा गोल गरे। त्यस समय पीएसजी-ले ठूलो अन्तरले म्याच जित्ने लागिरहेको थियो तर बायर्नले पनि हरेक खाएन अनि रहल समयमा २ गोल गरी हारको अन्तरलाई कम्ती गऱ्यो। बायर्नको निम्ति डायोट उपामेकानोले ६५औं र लुईस डियाजले ६८औं मिनटमा गोल गरे। धेरैले यस म्याचलाई च्याम्पियन्स लीग इतिहासको सबैभन्दा रोमाञ्चक म्याच बताएका छन्। टुर्नामेण्टको दोस्रो सेमिफाइनलको पहिलो लेगमा एट्लेटिको म्याड्रिड र आर्सनलबीच भिड़न्त हुनेछ। पीएसजी र बायर्नबीच सेमिफाइनलको दोस्रो लेग ७ मईमा खेलिनेछ।