​केन्द्रीय मन्त्रीद्वारा कांकुडगाछी सब पोस्ट अफिसको उद्घाटन

​कोलकाता: केन्द्रीय सञ्चार तथा पूर्वोत्तर क्षेत्र विकास मन्त्री ज्योतिरादित्य एम. सिन्धियाले सोमबार कांकुडगाछी सब पोस्ट अफिसको स्तरोन्नति गरिएको भवनको भर्चुअल उद्घाटन गरे। यसै क्रममा देशभरिका अन्य १३ वटा स्तरोन्नति गरिएका हुलाक कार्यालयहरूको पनि उद्घाटन गरियो।
​कार्यक्रममा केन्द्रीय सञ्चार तथा ग्रामीण विकास राज्यमन्त्री चन्द्रशेखर पेम्मासानी पनि उपस्थित थिए। मन्त्री ज्योतिरादित्य सिन्धियाले भने, “हरेक हुलाक कार्यालय जनसेवाको मन्दिर हो।” सरकारको उद्देश्य सेवाहरूलाई सहज, सुरक्षित, द्रुत र आधुनिक बनाउनु हो। यस अवसरमा ‘डाक सेवा र डाक मित्र’ एप पनि लन्च गरियो।
​पश्चिम बंगाल सर्कलका चिफ पोस्टमास्टर जनरल अशोक कुमारलगायत हुलाक विभागका वरिष्ठ अधिकारीहरू कार्यक्रममा सहभागी थिए। सीआईटी रोडस्थित कांकुडगाछी सब पोस्ट अफिसलाई ‘स्कुल अफ प्लानिङ एन्ड आर्किटेक्चर’को डिजाइन म्यानुअल अनुसार स्तरोन्नति गरिएको छ।
​२,७६३ वर्ग फुट क्षेत्रफलमा फैलिएको यो हुलाक कार्यालयले हुलाक, वित्तीय र डिजिटल सेवासँग सम्बन्धित सुविधाहरू उपलब्ध गराउनेछ। प्रविधिको युगमा पनि इन्डिया पोस्टको भूमिका महत्त्वपूर्ण रहेको सिन्धियाले बताए।
​उनले हुलाक कार्यालय चिठी र पार्सल पुर्‍याउने कार्यमा मात्र सीमित नरही आधुनिक प्रविधिको माध्यमबाट नागरिकहरूलाई उत्कृष्ट सेवा उपलब्ध गराउने माध्यम बनिरहेको बताए।