वुहान: वुहान ओपन टेनिस टुर्नामेण्टको महिला एकल वर्गमा पोल्याण्डकी इगा स्वियातेक र माजा चवालिन्स्काले सेमिफाइनलमा स्थान बनाएकी छन्। स्वियातेकले अमेरिकाकी एन ली-लाई सीधा सेटमा पराजित गरिन् जबकि चवालिन्स्काले मारिया सक्कारीलाई पराजित गरी आफ्नो करियरको पहिलो डब्ल्यूटीए १००० सेमिफाइनलमा प्रवेश गरिन्। यसरी लात्वियाकी येलेना ओस्टापेंको र ब्रिटेनकी केटी बोल्टरले पनि आ-आफ्नो म्याच जितेर सेमिफाइनलमा स्थान बनाइन्। पूर्व फ्रेञ्च ओपन च्याम्पियन ओस्टापेंकोले ११औं वरीयता प्राप्त डायना श्नाइडरलाई ७-६ (६), ६-१-ले पराजित गरिन्। म्याचको पहिलो सेटमा ओस्टापेंको एक समय २-५-ले पछि रहेकी थिइन् तर उनले असाधारण पुनरागमन गर्दै सीधा सेटमा म्याच जितिन्। दोस्रो सेटमा त उनले कवेल एक गेम गुमाइन्। यसररी ब्रिटेनकी केटी बोल्टरले पाँचौं वरीयता प्राप्त एलिना स्वितोलिनालाई ६-२, २-६, ६-४-ले पराजित गरी ठूलो उलटफेर गरिन्। यस जीतको साथ उनले करियरमा पहिलोपल्ट कुनै डब्ल्यूटीए १००० स्तरको टुर्नामेण्टको सेमिफाइनलमा प्रवेश गरिन्। सेमिफाइनलमा उनको भिड़न्त ओस्टापेंकोसँग हुनेछ। सातौं वरीयता प्राप्त स्वियातेकले एन ली-लाई सजिलैसँग ६-४, ६-१-ले पराजित गरिन्। पहिलो सेटमा स्वियातेकले सामान्य चुनौतीको सामना गर्नु पऱ्यो। उनले ५-४-को स्कोरमा ३ ब्रेक पोइण्ट बचाएर पहिलो सेट जितिन्। त्यसपछि दोस्रो सेट जित्न चाहिँ उनलाई कुनै समस्या भएन। यो स्वियातेकको २५औं डब्ल्यूटीए १००० सेमिफाइनल हो जबकि टुर्नामेण्टमा उनी पहिलोपल्ट सेमिफाइनलमा पुगेकी छन्। अब सेमिफाइनलमा स्वियातेकको भिड़न्त उनकै देशकी चवालिन्स्कासँग हुनेछ। चवालिन्स्काले क्वार्टर फाइनलमा मारिया सक्कारीविरुद्ध ६-०, ३-६, ७-५-ले जीत हासिल गरिन्। बोल्टर झैं यो चवालिन्स्काको पहिलो डब्ल्यूटीए १०००० फाइनल हुनेछ। चवालिन्स्काले पहिलो सेट सजिलै जिते पनि सकारीले दोस्रो सेटमा पुनरागमन गरिन्। अन्तमा निर्णायक सेटमा चवालिन्स्काले संयमको साथ खेल्दै म्याच जितिन्।