बार्सिलोना: स्पेनिश ला लीगा फूटबल प्रतियोगितामा बार्सिलोनाले अझ एउटा जीतको साथ आफ्नो शीर्ष स्थानलाई मजबूत बनायो। बुधवार राति खेलिएको रोमाञ्चक म्याचमा बार्सिलोनाले सेल्टा विगोलाई १-०-ले पराजित गऱ्यो। आफ्नो होम ग्राउण्ड क्याम्प नोउमा ६० प्रतिशत पोजेशनको साथ खेल्ने बार्सिलोनाले जीतको निम्ति निक्कै मेहनत गर्नु पऱ्यो। अन्तमा लामिन यामालले ४०औं मिनटमा दिलाएको गोलले होम टीमलाई जीत दिलायो। बार्सिलोनाका युवा फरवर्डले ४०औं मिनटमा पेनल्टीबाट गोल गरे। मध्यान्तरसम्म १ गोलले अघि रहने बार्सिलोनाले दोस्रो हाफमा पनि गोलको निम्ति लगातार प्रयास गऱ्यो। पेड्रीले बार्सिलोनालाई दोस्रो गोल पनि दिलाएका थिए तर भीएआर-ले उनको गोललाई (अफसाइड) रद्द गऱ्यो। यस रोमाञ्चक जीतको साथ बार्सिलोना ३२ वटा म्याचमा ८२ पोइण्ट्सको साथ ला लीगा पोइण्ट्स टेबलको शीर्ष स्थानमा कायम रह्यो। बार्सिलोनासँग अहिले दोस्रो स्थानमा रहने रियल म्याड्रिडभन्दा ९ पोइण्ट्स अधिक रहेको छ। यसरी सेल्टा विगो ४४ पोइण्ट्सको साथ सातौं स्थानमा रहेको छ। यसरी एट्लेटिको म्याड्रिडले फेरि हारको सामना गर्नु पऱ्यो। यसपाली टीमलाई एल्चेले ३-२-ले पराजित गऱ्यो। म्याचको ३०औं मिनटमा फरवर्ड खेलाड़ी थियागो अल्माडाले रेड कार्ड देख्दा एट्लेटिकोलाई ठूलो झट्का लाग्यो। आफ्नो होम ग्राउण्डमा ७३ प्रतिशत पोजेशनको साथ खेल्ने एल्चेको तर्फबाट एण्ड्रे सिल्वाले ३३औं र ७५औं मिनटमा २ गोल गरे। यसरी डेविड एफेनग्रुबेरले १८औं मिनटमा १ गोल गरे। यसरी एट्लेटिको म्याड्रिडबाट निकोलस गोञ्जालेजले १०औं र ३४औं मिनटमा २ गोल गरे। ला लीगाको जारी सीजनमा यो एट्लेटिकोको लगातार चौथो हार हो अनि टीम अहिले ५७ पोइण्ट्सको साथ चौथो स्थानमा रहेको छ। यसरी एल्चे ३५ पोइण्ट्स लिएर १५औं स्थानमा रहेको छ। अन्य एउटा म्याचमा गेटाफेले रियल सोसिएदादलाई १-०-ले पराजित गऱ्यो।