नयाँ दिल्लीः सूडानमा सत्ता संघर्षको लागि सेना र अर्धसैनिक बलहरूबीच जारी हिंसक गतिविधिमा त्यहाँ काम गर्ने एक भारतीय नागरिकको शनिवार गोली लागेर मृत्यु भएको छ। यस आशयको जानकारी सूडानमा भारतीय दूतावासले दिएको हो। विदेश मन्त्री डा. एस जयशंकरले मृत्युलाई लिएर दुःख व्यक्त गरेका छन्।

सूडानमा भारतीय दूतावासद्वारा जारी एक विज्ञप्ति अनुसार सूडानमा डीएएल समूहमा काम गर्ने भारतीय नागरिक अल्बर्ट अगस्टिनलाई गए शुक्रवार गोली लागेको थियो तथापि तिनको मृत्यु शनिवार भएको थियो। दूतावास अघिल्लो व्यवस्था गर्नको लागि मृतकका परिवार र चिकित्सा अधिकारीहरूसितको सम्पर्कमा छ।

विदेश मन्त्रीले ट्वीटमा भने, सूडानको राजधानी खार्तूममा एक भारतीय नागरिकको मृत्यु भएको समाचार सुनेर गहिरो दुःख भयो। भारतीय दूतावास मृतकका परिवारलाई पूर्ण सहयोग गर्नको लागि हरसम्भव प्रयासरत् छ। खार्तूमको स्थिति अत्यन्त चिन्ताजनक छ। हामीले घटनाक्रममाथि नजर राखिरहेका छौं।