​सिलगढी: सिलगढी पुलिस कमिश्नरेटअन्तर्गत प्रधान नगर थानाको पुलिस टोलीले डाका हाल्ने योजना बनाइरहेको अवस्थामा तीन जनालाई पक्राउ गरेको छ।
​१८ र १९ अगस्ट २०२६ को मध्यरातमा प्राप्त विशेष सूचनाका आधारमा प्रधान नगर थाना पुलिसले गुरुङ बस्ती क्षेत्रमा छापा मारेको थियो। सम्पत्तिसम्बन्धी अपराधमा संलग्न रहँदै आएका र पटके अपराधीका रूपमा चिनिएका तीन जनालाई डाका हाल्ने तयारी गरिरहेको अवस्थामा नियन्त्रणमा लिइएको पुलिसले जनाएको छ।
​पक्राउ पर्नेहरूमा दार्जिलिङ जिल्लाको मिरिक, पशुपतिनगर निवासी २३ वर्षीय प्रनिल सुब्बा, दार्जिलिङकै बिजनबारी निवासी ३२ वर्षीय जोसेफ तामाङ र पूर्वी सिक्किमको लालबजार निवासी १९ वर्षीय साङ्पा तामाङ रहेका छन्।
​प्रधान नगर थानामा पक्राउ परेका तीनै जनामाथि योजनाबद्ध डाकाको तयारी गरेको अभियोगमा मुद्दा दर्ता गरी थप अनुसन्धान अघि बढाइएको छ।