सिलगढी: दुई दिनअघि सिलगढी कलेजमा भर्ना प्रक्रियालाई लिएर तृणमूल छात्र परिषद (टीएमसी) र अखिल भारतीय विद्यार्थी परिषद (एबीभीपी) का कार्यकर्ताहरूबीच भएको हिंसक झडपपछि सिलिगुडीमा तनाव कायम छ। उक्त घटनाको सिलसिलामा टीएमसी नेता विश्वजित सरकारलाई पुलिसले पक्राउ गरेको छ।​स्रोतका अनुसार, सोमबार बिहान भर्ना प्रक्रियाका क्रममा विद्यार्थी सहायता कक्ष (हेल्प डेस्क) स्थापना गर्ने विषयमा विवाद सुरु भएको थियो। सोही विवाद बढ्दै जाँदा कलेज क्याम्पसभित्रै दुवै समूहका सदस्यहरूबीच कुटाकुट र हिंसक झडप भएको थियो। झडपका क्रममा टीएमसीपीका छात्र नेता विवेक झा गम्भीर घाइते भएका थिए। उनलाई उपचारका लागि सिलिगुडी जिल्ला अस्पताल भर्ना गरिएको र उपचारपछि डिस्चार्ज गरिएको छ।​घटनाको अनुसन्धानका क्रममा सिलिगुडी पुलिसले सीसीटीभी फुटेजको जाँच गरी विश्वजित सरकारलाई नियन्त्रणमा लिएको हो। उनलाई अदालतमा पेस गरिएकोमा अदालतले ५ दिनको न्यायिक हिरासतमा राख्न आदेश दिएको छ। यस मामिलामा संलग्न अन्य व्यक्तिहरूको पहिचानका लागि पुलिसले थप अनुसन्धान गरिरहेको जनाएको छ।