नयाँ दिल्ली: दुईपल्टकी ओलम्पिक पदक विजेता पीभी सिन्धूले जापान ओपन सुपर ७५० ब्याडमिण्टन टुर्नामेण्टमा असाधारण शुरुवात गर्दै महिला एकलको दोस्रो राउण्डमा प्रवेश गरिन्। मंगलवार खेलिएको पहिलो राउण्डको म्याचमा विश्वकी नम्बर १० खेलाड़ी सिन्धूले मलेशियाकी वोंग लिंग चिंगलाई २१-१४, २१-११-ले सजिलै पराजित गरिन्। म्याचमा सिन्धूले शुरुदेखि नै आक्रामक खेल देखाइन्। उनले लामो ऱ्यालीहरूमा नियन्त्रण देखाउँदै शुरुवाती बढ़त हासिल गरिन् अनि पहिलो गेमको ब्रेकसम्म ११-६-ले अघि रहेकी थिइन्। त्यसपछि उनले सटीक ड्रप शट्, ब्याकह्याण्ड र हाफ-स्म्याशको साथ मलेशियाई खेलाड़ीमाथि दबाउ कायम राखिन्। यसरी भारतीय स्टारले पहिलो गेम २१-१४-ले जितिन्। दोस्रो गेममा पनि उनले मलेशियाई प्रतिद्वन्द्वीलाई पुनरागमन गर्ने कुनै मौका दिइनन्। सिन्धूले चाँड़ै ८-२-को बढ़त हासिल गरिन्, जसलाई ब्रेकसम्म ११-३ पुऱ्याइन्। त्यसपछि उनले लगातार अंक बटुल्दै २१-११-ले गेम र म्याच दुवै जितिन्। मिश्रित युगलमा भारतका ध्रुव कपिला र तनीषा क्रास्टोले पनि असाधारण प्रदर्शन गरे। भारतीय जोड़ीले स्कटल्याण्डका एलेक्जेण्डर डन र जूली मेकफर्सनको जोड़ीलाई २१-१६, २१-१४-ले पराजित गरी दोस्रो राउण्डमा प्रवेश गऱ्यो। मिश्रित युगलमा चाहिँ भारतको प्रदर्शन निराशाजनक रह्यो। रोहन कपूर र रुत्विका शिवानी गड्डेको जोड़ीले चीनका फेंग यान झे र हुआंग डोंग पिंगको शीर्ष वरीयता प्राप्त जोड़ीविरुद्ध ११-२१, १०-२१-ले हारको सामना गर्नु पऱ्यो।